ന്യൂഡല്‍ഹി: ഇന്ത്യന്‍ ജനതയോട് വോട്ട് ചെയ്യാന്‍ അഭ്യര്‍ഥിച്ച് കോണ്‍ഗ്രസ് നേതാവ് രാഹുല്‍ ഗാന്ധി. ഇത്തവണത്തേത് സാധാരണ തെരഞ്ഞെടുപ്പല്ലെന്നാണ് അദ്ദേഹം പറഞ്ഞത്. രാജ്യത്തിന്റെ ഭരണഘടനയേയും ജനാധിപത്യത്തേയും സംരക്ഷിക്കാന്‍ കൂട്ടംകൂട്ടമായി വന്ന് വോട്ട് ചെയ്യണമെന്ന് അദ്ദേഹം കൂട്ടിച്ചേര്‍ത്തു.

'ലോക്‌സഭ തെരഞ്ഞെടുപ്പിന്റെ മൂന്നാംഘട്ട വോട്ടെടുപ്പാണ് ഇന്ന് നടക്കുന്നത്. എല്ലാവരും വലിയ സംഘങ്ങളായെത്തി നിങ്ങളുടെ അവകാശം സംരക്ഷിക്കാനായി വോട്ട് ചെയ്യണമെന്ന് അഭ്യര്‍ഥിക്കുകയാണ്. ഓര്‍ക്കുക, ഇത് ഒരു അസാധാരണ തെരഞ്ഞെടുപ്പാണ്. ജനാധിപത്യത്തെയും ഇന്ത്യന്‍ ഭരണഘടനയെയും സംരക്ഷിക്കാനുള്ള തെരഞ്ഞെടുപ്പാണിത്.??''രാഹുല്‍ എക്‌സില്‍ കുറിച്ചു.

आज तीसरे चरण का मतदान है!

आप सभी से मेरा अनुरोध है कि अपने अधिकारों की रक्षा के लिए बड़ी संख्या में निकलें और वोट करें।

याद रहे, यह कोई सामान्य चुनाव नहीं, देश के लोकतंत्र और संविधान की रक्षा का चुनाव है।#Vote4INDIA

— Rahul Gandhi (@RahulGandhi) May 7, 2024

വോട്ട് ബഹിഷ്‌കരിക്കരുതെന്നും എല്ലാവരും വോട്ട് ചെയ്യണമെന്നും നേരത്തേ കോണ്‍ഗ്രസ് പ്രസിഡന്റ് മല്ലികാര്‍ജുന്‍ ഖാര്‍ഗെയും അഭ്യര്‍ഥിച്ചിരുന്നു. ഇ.വി.എമ്മിലെ ബട്ടണ്‍ അമര്‍ത്താനൊരുങ്ങുമ്പോള്‍ അത് നിങ്ങളുടെയും 140 കോടി ഇന്ത്യക്കാരുടെയും ഭാവി നിര്‍ണയിക്കാനുള്ള വോട്ടെടുപ്പാണെന്ന് ഓര്‍ക്കണമെന്നായിരുന്നു ഖാര്‍ഗെ എക്‌സില്‍ കുറിച്ചത്.

Vote to save Constitution,
Vote to protect Democracy !

11 Crore people in 93 Constituencies shall exercise their democratic right, not just to elect their representatives, but shall decide whether they want to secure their Constitutional Rights or witness our great nation veer…

— Mallikarjun Kharge (@kharge) May 7, 2024

വിവേചനാധികാരവും ചിന്തയും ഉപയോഗിക്കാനും വോട്ട് ചെയ്യാനും പ്രിയങ്കാ ഗന്ധിയും വോട്ടര്‍മാരോട് അപേക്ഷിച്ചിരുന്നു.

'രാജ്യത്തെ ജനങ്ങളേ ഇത് രാജ്യത്തിന്റെ ജനാധിപത്യത്തേയും ഭരണഘടനയേയും സംരക്ഷിക്കാനുള്ള തെരഞ്ഞെടുപ്പാണ്. ചരിത്രം ഇന്നോളം കണ്ടിട്ടില്ലാത്ത തൊഴിലില്ലായ്മയെ, വ്യാപകമായ പണപ്പെരുപ്പത്തെ, അഴിമതി, സാമ്പത്തിക പ്രതിസന്ധി തുടങ്ങിയവയെ പരാജയപ്പെടുത്താനുള്ള തെരഞ്ഞെടുപ്പ്. നിങ്ങളുടെ ഓരോ വോട്ടും പ്രധാനമാണ്. നിങ്ങളുടെ വിവേചനാധികാരവും ചിന്തയും ഉപയോഗിക്കുക. കൂട്ടം കൂട്ടമായി വോട്ടു ചെയ്യുക. നിങ്ങളുടേയും നിങ്ങളുടെ കുഞ്ഞുങ്ങളുടേയും ഭാവിക്കായി വോട്ടു ചെയ്യുക. ഇന്ത്യ ഒന്നിക്കും. ഇന്‍ഡ്യ വിജയിക്കും- പ്രിയങ്ക എക്‌സില്‍ കുറിച്ചു. 

प्रिय देशवासियों, यह चुनाव देश के लोकतंत्र और संविधान को बचाने का चुनाव है। यह ऐतिहासिक बेरोजगारी, प्रचंड महंगाई, संस्थागत भ्रष्टाचार और आर्थिक संकट को हराने का चुनाव है। आपका एक-एक वोट महत्वपूर्ण है। सोच-समझ कर, अपने विवेक का इस्तेमाल करते हुए भारी संख्या में मतदान करें। अपने और…

— Priyanka Gandhi Vadra (@priyankagandhi) May 7, 2024

 12 സംസ്ഥാനങ്ങളിലെയും കേന്ദ്രഭരണപ്രദേശങ്ങളിലേയും 93 ലോക്‌സഭ സീറ്റുകളിലേക്കാണ് ചൊവ്വാഴ്ച വോട്ടെടുപ്പ് നടക്കുന്നത്. അസം, ബിഹാര്‍, ഛത്തീസ്ഗഢ്, ദാദ്ര ആന്‍ഡ് നഗര്‍ ഹാവേലി, ദാമന്‍ ആന്‍ഡ് ദിയ, ഗോവ, ഗുജറാത്ത്, കര്‍ണാടക, മഹാരാഷ്ട്ര, മധ്യപ്രദേശ്, ഉത്തര്‍പ്രദേശ്, പശ്ചിമ ബംഗാള്‍, സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമാണ് തെരഞ്ഞെടുപ്പ് നടക്കുന്നത്.

അതിനിടെ, രാഹുല്‍ ഗാന്ധിക്കെതിരെ കേസെടുക്കണമെന്നാവശ്യപ്പെട്ട് റിപ്പബ്ലിക്കന്‍ പാര്‍ട്ട് ഓഫ് ഇന്ത്യ ദേശീയ പ്രസിഡന്റും കേന്ദ്ര മന്ത്രിയുമായ രാംദാസ് അത്താവാലെ കേന്ദ്ര തെരഞ്ഞെടുപ്പ് കമീഷനെ സമീപിച്ചിരിക്കുകയാണ്. ആര്‍.എസ്.എസിനും പ്രധാനമന്ത്രി നരേന്ദ്രമോദിക്കുമെതിരെ തെറ്റായ ആരോപണങ്ങള്‍ പ്രചരിപ്പിക്കുന്നുവെന്നാണ് ആരോപണം.