ഉത്തര്‍പ്രദേശില്‍ ബിജെപിക്ക് എട്ടു പ്രാവശ്യം വോട്ട് ചെയ്ത് യുവാവ്.യുവാവിന്റെ വിഡിയോ സമൂഹമാധ്യമങ്ങളില്‍ വൈറലായതിനു പിന്നാലെ, നടപടി ആവശ്യപ്പെട്ട് കോണ്‍ഗ്രസും സമാജ്വാദി പാര്‍ട്ടിയും തിരഞ്ഞെടുപ്പ് കമ്മിഷനെ സമീപിച്ചു. ബിജെപി സ്ഥാനാര്‍ഥിയായ മുകേഷ് രാജ്പുത്തിന് 8 തവണ വോട്ടു ചെയ്യുന്ന യുവാവിന്റെ 2 മിനിറ്റോളം ദൈര്‍ഘ്യമുള്ള വിഡിയോയാണ് സമൂഹമാധ്യമങ്ങളില്‍ വൈറലായത്. 

ഉത്തര്‍പ്രദേശിലെ ഫാറുഖാബാദ് ലോക്‌സഭാ മണ്ഡലത്തില്‍ നിന്നുള്ള ബിജെപി സ്ഥാനാര്‍ഥിയാണ് മുകേഷ് രാജ്പുത്ത്. തിരഞ്ഞെടുപ്പ് കമ്മിഷന്‍ 'ഉണരൂ' എന്ന് ഓര്‍മിപ്പിച്ച്, വിവാദ വിഡിയോ കോണ്‍ഗ്രസ് എക്‌സ് പ്ലാറ്റ്‌ഫോമില്‍ പങ്കുവച്ചു. ''പ്രിയ തിരഞ്ഞെടുപ്പ് കമ്മിഷന്‍, ഇത് നിങ്ങളുടെ ശ്രദ്ധയില്‍പ്പെട്ടിരുന്നോ? ഒരാള്‍ത്തന്നെ എട്ടു തവണ വോട്ടു ചെയ്യുന്നു. നിങ്ങള്‍ ഉണരേണ്ട സമയം അതിക്രമിച്ചിരിക്കുന്നു'' - വിഡിയോ പങ്കുവച്ച് കോണ്‍ഗ്രസ് കുറിച്ചു.

സമാജ്വാദി പാര്‍ട്ടി അധ്യക്ഷന്‍ അഖിലേഷ് യാദവും ഇതേ വിഡിയോ പങ്കുവച്ച് തിരഞ്ഞെടുപ്പ് കമ്മിഷനോട് ശക്തമായ നടപടി സ്വീകരിക്കാന്‍ ആവശ്യപ്പെട്ടു. ''ഈ ചെയ്യുന്നത് തെറ്റാണെന്ന് തിരഞ്ഞെടുപ്പ് കമ്മിഷനു തോന്നുന്നുണ്ടെങ്കില്‍, അവര്‍ തീര്‍ച്ചയായും ഉചിതമായ നടപടി കൈക്കൊള്ളണം. അങ്ങനെ തോന്നുന്നില്ലെങ്കില്‍...'' -  അഖിലേഷ് കുറിച്ചു. തിരഞ്ഞെടുപ്പ് കമ്മിഷന്‍ ഈ വിഡിയോയുടെ കാര്യത്തില്‍ പ്രതികരിച്ചിട്ടില്ല.

अपनी हार सामने देख कर भाजपा जनादेश को झुठलाने के लिए सरकारी तंत्र पर दबाव बना कर लोकतंत्र को लूटना चाहती है।

कांग्रेस चुनावी ड्यूटी कर रहे सभी अधिकारियों से यह अपेक्षा करती है कि वो सत्ता के दबाव के सामने अपनी संवैधानिक ज़िम्मेदारी न भूलें।

वरना INDIA की सरकार बनते ही ऐसी… https://t.co/fk4wXL8QZy

— Rahul Gandhi (@RahulGandhi) May 19, 2024