കാസര്‍കോട്: ഹോസ്ദുര്‍ഗില്‍ പാചക വാതക ടാങ്കറില്‍ ചോര്‍ച്ച. രാവിലെ ഏഴരയോടെ ഹോസ്ദുര്‍ദ് താലൂക്ക് ചിത്താരി വില്ലേജില്‍ ഹിമായത്തുല്‍ ഇസ് ലാം സ്‌കൂളിന് എതിര്‍വശത്തുള്ള റോഡിലെത്തിയപ്പോഴാണ് ചോര്‍ച്ച ഡ്രൈവറുടെ ശ്രദ്ധയില്‍പെട്ടത്. ഇതോടെ വാഹനം റോഡരികിലേക്ക് മാറ്റി പാര്‍ക്ക് ചെയ്തു. ടാങ്കറിന്റെ സൈഡ് വാല്‍വിലാണ് ചോര്‍ച്ചയുണ്ടായത്. 

പൊലിസ് സ്ഥലത്തെത്തി സ്ഥിതിഗതികള്‍ നിയന്ത്രിക്കുന്നു. ഇതു വഴിയുള്ള ഗതാഗതം താല്‍ക്കാലികമായി തടഞ്ഞിരിക്കുകയാണ്. കാഞ്ഞങ്ങാട് നിന്നും വരുന്ന വാഹനങ്ങളെ മടിയന്‍ വഴിയാണ് തിരിച്ചുവിടുന്നത്. 

കാഞ്ഞങ്ങാട്, കാസര്‍കോട് എന്നിവിടങ്ങളില്‍ നിന്നുള്ള മൂന്ന് യൂണിറ്റ് ഫയര്‍ഫോഴ്‌സ് എത്തി ചോര്‍ച്ച താല്‍ക്കാലികമായി അടച്ചു. പാചക വാതക വിതരണ കമ്പനിയില്‍ നിന്ന് ടെക്‌നീഷ്യന്‍ എത്തിയതിന് ശേഷം തുടര്‍ നടപടിയെടുക്കും.