HOME
DETAILS

കാറിന് ഫാൻസി നമ്പർ സ്വന്തമാക്കാൻ ചെലവായത് 16.5 കോടിയിലേറെ: നമ്പർ ഇങ്ങനെ

  
Web Desk
May 23 2024 | 07:05 AM

 spent 16.5 crores to get the fancy number

ദുബായ് റോഡ് ആൻഡ് ട്രാൻസ്പോർട്ട് അതോറിറ്റിയുടെ നേതൃത്വത്തിൽ വർഷംതോറും നടക്കുന്ന ഇഷ്ടനമ്പർ സ്വന്തമാക്കാനുള്ള ലേലത്തിൽ ഇത്തവണ കിട്ടിയ ഉയർന്ന തുക 16 കോടി രൂപ. ഇതുവരെ നടന്ന ലേലത്തിൽ വെച്ച് റെക്കോർഡ് തുകയാണിത്. 'എഎ 16' എന്ന നമ്പറിനാണ് 73.2 ലക്ഷം ദിർഹം അതായത് 16.59 കോടി രൂപ ചെലവായത്.

പ്രീമിയം നമ്പർപ്ലേറ്റ് കളുടെ 115 ആമത് ലേലമാണ് ഈ വർഷം നടന്നത്. കഴിഞ്ഞ ലേലത്തിൽ ആർ.ടി.എ ക്ക് 5.12 കോടി ദിർഹത്തിന്റെ വരുമാനം ലഭിച്ചിരുന്നു. ഇത്തവണ അത് 6.5 കോടി ദിർഹമായി ഉയർന്നിട്ടുണ്ട്. മൊത്തം തുകയുടെ കണക്ക് എടുക്കുമ്പോഴും 28 ശതമാനത്തിന്റെ വർദ്ധനവുണ്ടായി. എഎ 16ന് പുറമേ എഎ 69, എഎ 999 എന്നീ ഫാൻസി നമ്പറുകളും വലിയ തുകയ്ക്കാണ് വിറ്റുപോയത്. ഇത് യഥാക്രമം 60 ലക്ഷം ദിർഹവും 40.5 ലക്ഷം ദിർഹമാണ്.

മൊത്തം 90 നമ്പർ പ്ലേറ്റുകളാണ് ലേലത്തിൽ ഉണ്ടായിരുന്നത്. അൽ ഹബ്ത്തൂർ സിറ്റിയിലാണ് ലേലം അരങ്ങേറിയത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."