അണ്ടത്തോട്: പുന്നയൂര്‍ക്കുളം കനോലികനാല്‍ അവിയൂര്‍ വളയം തോട് പലത്തിന് സമീപം അറവ് മാലിന്യം തള്ളാന്‍ വന്ന യുവാവ് പിടിയില്‍. പാവറട്ടി കോട്ടപുറം സ്വദേശി കുളങ്ങരക്കകത്ത് കബീറി (36)നെയാണ് വടക്കേകാട് പൊലിസ് അറസ്റ്റ് ചെയ്തത്. ഇന്നലെ പുലര്‍ച്ച ഒരു മണിക്ക് വാഹനത്തില്‍ കോഴി മാലിന്യം തള്ളാന്‍ വന്ന കബീറിനെ വടക്കേകാട് എസ്.ഐ മോഹിതിന്റെ നേതൃത്വത്തിലുള്ള സംഘം പിടികൂടുകയായിരുന്നു. അവിയൂര്‍ തന്നെയുള്ള കോഴിക്കടയിലെ ജീവനക്കാരനാണ് കബീര്‍. അവിയൂര്‍ പ്രവാസി കൂട്ടായ്മ നടത്തിയ കനോലി കനാല്‍ സംരക്ഷണ പ്രവര്‍ത്തിനത്തിന്റെ ഭാഗമായ് ഏര്‍പ്പെടുത്തിയ നീരിക്ഷണത്തിലാണ് പ്രതിയെ പിടികൂടാന്‍ കഴിഞ്ഞത്.