എറണാകുളം: അങ്കമാലിയില്‍ ഗുണ്ടാനേതാവ് പൊലിസ് ഉദ്യോഗസ്ഥര്‍ക്ക് വിരുന്നൊരുക്കി. തമ്മനം ഫൈസലിന്റെ അങ്കമാലിയിലെ വീട്ടിലേക്കാണ് ആലപ്പുഴ ഡിവൈഎസ്പിയും പൊലിസുകാരും വിരുന്നില്‍ പങ്കെടുക്കാന്‍ എത്തിയത്. പരിശോധനക്കെത്തിയ അങ്കമാലി എസ്‌ഐയെ കണ്ടതോടെ ഡിവൈഎസ്പി ശുചിമുറിയില്‍ കേറി ഒളിച്ചു. അങ്കമാലി പുളിയാനത്ത് ഇന്നലെ വൈകിട്ടായിരുന്നു പൊലിസ് ഉദ്യോഗസ്ഥര്‍ പരിശോധനയ്ക്ക് എത്തിയത്. സംഭവത്തില്‍ ആഭ്യന്തര അന്വേഷണം ആരംഭിച്ചിട്ടുണ്ട്. നിരവധി കുറ്റകൃത്യങ്ങളില്‍ പങ്കാളിയാണ് തമ്മനം ഫൈസല്‍.