തിരുവനന്തപുരം: മില്‍മയില്‍ ശമ്പള പരിഷ്‌കരണം നടപ്പാക്കാത്തതില്‍ പ്രതിഷേധിച്ച് ട്രേഡ് യൂണിയന്‍ ഇന്ന് നടത്താനിരുന്ന സമരം പിന്‍വലിച്ചു. മില്‍മ ശമ്പള പരിഷ്‌കരവുമായി നടന്ന ചര്‍ച്ച ഒത്തുതീര്‍പ്പായതിനു പിന്നാലെയാണ് സമരം പിന്‍വലിച്ചത്. അടുത്ത മാസം 15നകം പരിഷ്‌കരണം നടപ്പാക്കുമെന്ന് ചര്‍ച്ചയില്‍ ഉറപ്പ് നല്‍കി. 

ഉറപ്പ് പാലിച്ചില്ലെങ്കില്‍ സമരത്തിലേക്ക് കടക്കുമെന്ന് യൂണിയനുകള്‍ അറിയിച്ചു. അഡീഷണല്‍ ലേബര്‍ കമ്മിഷണറുമായി നടത്തിയ ചര്‍ച്ചയിലാണ് തീരുമാനം. ഇന്ന് അര്‍ധരാത്രി മുതല്‍ പണിമുടക്ക് നടത്താനായിരുന്നു സംയുക്ത യൂണിയനുകളുടെ തീരുമാനം.