കട്ടന്‍ ചായക്കൊപ്പം കറുമുറെ കഴിക്കാന്‍ വീട്ടില്‍ തന്നെ എളുപ്പത്തില്‍ ഉണ്ടാക്കാവുന്ന ചിപ്‌സാണ് കപ്പ ചിപ്‌സ്. കടയില്‍ നിന്നൊന്നും ഇനി കപ്പ ചിപ്‌സ് വാങ്ങേണ്ട ആവശ്യമില്ല. കുട്ടികള്‍കൊക്കെ വാരിക്കോരി കഴിക്കാം കപ്പ ചിപ്‌സ്.

ആവശ്യമുള്ളവ

കപ്പ- വലുത് 2
മുളകുപൊടി- ആവശ്യത്തിന്
ഉപ്പ്- ആവശ്യത്തിന്
കറിവേപ്പില- 15 തണ്ട്

ഉണ്ടാക്കുന്ന വിധം

നല്ല കഴുകി വൃത്തിയാക്കിയ കപ്പ നീളത്തിലോ അല്ലെങ്കില്‍ വട്ടത്തിലോ കനം കുറച്ച് അരിഞ്ഞെടുക്കുക. ഇനി ചുവട് കട്ടിയുള്ള ഒരു കടായിയില്‍ എണ്ണ ഒഴിച്ച് നന്നായി ചൂടാകുമ്പോള്‍ കട്ട് ചെയ്തു വച്ച കപ്പ നന്നായി തിരിച്ചും മറിച്ചുമൊക്കെ ഇട്ട് ക്രിസ്പിയായി മൊരിച്ചെടുക്കണം.

ഇനി ഇത് കോരിയെടുത്ത് അതിലേക്ക് ഉപ്പ്, മുളകുപൊടി, ഫ്രൈ ചെയ്തു വച്ച കറിവേപ്പില ചേര്‍ത്ത് നന്നായി മിക്‌സ് ചെയ്തു കൊടുക്കുക. (ചെറിയ ചൂടില്‍ തന്നെ ചെയ്യണം. എന്നാലേ ഉപ്പും മുളകുമെല്ലാം ചിപ്‌സില്‍ പിടിക്കുകയുള്ളൂ.) അടിപൊളി ക്രിസ്പി കപ്പ ചിപ്‌സ് റെഡി.