മസ്‌ക്കറ്റ്: ഒമാന്റെ തലസ്ഥാനമായ മസ്‌കറ്റിലുണ്ടായ വെടിവെപ്പില്‍ മരണം ഒമ്പതായി. മരിച്ചവരില്‍ ഒരാള്‍ ഇന്ത്യക്കാരനാണ്. ഒരു ഇന്ത്യക്കാരന് പരിക്കേറ്റിട്ടുമുണ്ട്. ഇവരെ കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.

മസ്‌കറ്റ് ഗവര്‍ണറേറ്റിലെ വാദി കബീര്‍ മേഖലയില്‍ പള്ളിക്ക് സമീപം തിങ്കളാഴ്ച രാത്രിയോടെയാണ് വെടിവെപ്പുണ്ടായത്. മരിച്ച ഒന്‍പതുപേരില്‍ അഞ്ച് പേര്‍ സാധാരണക്കാണ്. ബാക്കിയുള്ളവരില്‍ മൂന്ന് അക്രമികളും, ഒരു പൊലിസുകാരനും ഉള്‍പ്പെടും. 28 പേര്‍ക്ക് പരിക്കേറ്റിട്ടുമുണ്ട്. 

പരിക്കേറ്റവരില്‍ നാലു പേര്‍ റോയല്‍ ഒമാന്‍ പോലീസിലേയും സിവില്‍ ഡിഫന്‍സിലേയും ആംബുലന്‍സ് അതോറിറ്റിയിലേയും അംഗങ്ങളാണ്. പരിക്കേറ്റവര്‍ ആശുപത്രിയില്‍ ചികിത്സയിലാണ്. വിവിധ രാജ്യങ്ങളില്‍ നിന്നുള്ളവര്‍ മരിച്ചവരില്‍ ഉള്‍പ്പെടുന്നു.

അതേസമയം ആക്രമണത്തില്‍ കൂടുതല്‍ അന്വേഷണം നടക്കുകയാണെന്ന് റോയല്‍ ഒമാന്‍ പൊലിസ് അറിയിച്ചു. 

oman gun shooting death count rais upto nine 28 people get injured