തൃശൂര്‍: സ്വാതന്ത്ര്യ സമര സേനാനിയും പത്രപ്രവര്‍ത്തകനുമായ കുറൂര്‍ നീലകണ്ഠന്‍ നമ്പൂതിരിപ്പാടിന്റെ മുപ്പതാമത് സ്മരണ പ്രഭാഷണം സാഹിത്യകാരന്‍ സി.രാധാകൃഷ്ണന്‍ നിര്‍വഹിക്കും. തൃശൂര്‍ സാഹിത്യ അക്കാദമി ചങ്ങമ്പുഴ ഹാളില്‍ നാളെ രാവിലെ 10.30 ന് നടക്കുന്ന ചടങ്ങില്‍ കേരള മീഡിയ അക്കാദമി ചെയര്‍മാന്‍ സെര്‍ജി ആന്റണി അധ്യക്ഷനാകും. മാറുന്ന കാലത്തെ മാധ്യമ ധര്‍മം എന്നതാണ് പ്രഭാഷണ വിഷയം. പി.ചിത്ര നമ്പൂതിരിപ്പാട്, കേരള മീഡിയ അക്കാദമി അസി. സെക്രട്ടറി കെ.ആര്‍ പ്രമോദ്കുമാര്‍, കേരള സ്റ്റേറ്റ് ഫ്രീഡം ഫൈറ്റേഴ്‌സ് അസോസിയേഷന്‍ ട്രഷറര്‍ വി.കെ വിജയന്‍ എന്നിവര്‍ പങ്കെടുക്കും. കേരള സ്റ്റേറ്റ് ഫ്രീഡം ഫൈറ്റേഴ്‌സ് അസോസിയേഷന്‍ തൃശൂര്‍ ജില്ലാഘടകം, കേരള മീഡിയ അക്കാദമി എന്നിവ സംയുക്തമായിട്ടാണ് പരിപാടി സംഘടിപ്പിക്കുന്നത്.