പാലക്കാട്: പാലക്കാട് ജില്ലയിലെ കരിമ്പയില്‍ മൂന്ന് വാഹനങ്ങള്‍ കൂട്ടിയിടിച്ച് നിരവധി പേര്‍ക്ക് പരുക്ക്. പനയംപാടത്ത് വെച്ച് സ്വകാര്യ ബസും കണ്ടെയ്നര്‍ ലോറിയും കാറും കൂട്ടിയിടിക്കുകയായിരുന്നു. ആദ്യം സ്വകാര്യ ബസില്‍ കണ്ടെയ്നര്‍ ലോറി ഇടിക്കുകയായിരുന്നു. ഇതിന് പിന്നാലെയെത്തിയ കാര്‍ ലോറിയുടെ പിറകിലേക്ക് ഇടിച്ചു കയറുകയായിരുന്നു. അപകടത്തിൽ നിരവധി പേർക്ക് പരുക്കേറ്റിട്ടുള്ളതായി ദൃക്‌സാക്ഷികൾ പറയുന്നു. പരുക്കേറ്റവരെ ആശുപത്രിയിലേക്ക് മാറ്റി.