തിരുവനന്തപുരം: കേരളത്തില്‍ ഏറ്റവും കൂടുതല്‍ കാലം തുടര്‍ച്ചയായി മന്ത്രിപദവിയില്‍ ഇരുന്നതിന്റെ റെക്കോര്‍ഡ് ഇനി എ.കെ ശശീന്ദ്രന്.  തുടര്‍ച്ചയായി 2364 ദിവസം (6 വര്‍ഷം 5 മാസം 22 ദിവസം) മന്ത്രിപദവിയിലിരുന്നാണ് ശശീന്ദ്രന്‍ റെക്കോര്‍ഡ് സ്വന്തമാക്കിയത്. മുഖ്യമന്ത്രി ഒഴികെയുള്ള കണക്കാണിത്.

രണ്ടാം അച്യുതമേനോന്‍ സര്‍ക്കാരിലെ ബേബി ജോണ്‍, കെ. അവുക്കാദര്‍കുട്ടി നഹ, എന്‍. കെ ബാലകൃഷ്ണന്‍ (മൂന്നുപേരും 1970 ഒക്ടോബര്‍ 4  1977 മാര്‍ച്ച് 25; 2364 ദിവസം) എന്നിവര്‍ക്കൊപ്പമെത്തി ശശീന്ദ്രന്‍. 2018 ഫെബ്രുവരി 1 മുതല്‍ ശശീന്ദ്രന്‍ തുടര്‍ച്ചയായി മന്ത്രിയാണ്.

ഒന്നാം പിണറായി വിജയന്‍ സര്‍ക്കാരില്‍ 2016 മേയ് 25  2017 മാര്‍ച്ച് 27 വരെ(306 ദിവസം) എ കെ ശശീന്ദ്രന്‍ മന്ത്രിയായിരുന്നു. ഒരു മന്ത്രിസഭയില്‍നിന്നു രാജിവച്ച് അതേ മന്ത്രിസഭയില്‍ത്തന്നെ തിരിച്ചെത്തിയ 7 പേരില്‍ ഒരാളാണ് ശശീന്ദ്രന്‍. തുടര്‍ച്ചയായി 2065 ദിവസം മന്ത്രിയായ കെ കൃഷ്ണന്‍കുട്ടിക്കാണ് തൊട്ടു പിന്നില്‍.

മുഖ്യമന്ത്രിയെ ഉള്‍പ്പെടുത്തിയാല്‍ ഇക്കാര്യത്തില്‍ ശശീന്ദ്രന് രണ്ടാം സ്ഥാനമാണ്. മുഖ്യമന്ത്രി പിണറായി വിജയന്‍ 2981 ദിവസം( 2016 മെയ് 25 മുതല്‍ ഇന്നുവരെ ) ആണ് തുടര്‍ച്ചയായി മന്ത്രിപദവിയിലിരുന്നത്.