തൃശ്ശൂര്‍: വടക്കാഞ്ചേരി വാഴക്കോടുള്ള പെട്രോള്‍ പമ്പില്‍ വന്‍ തീപിടുത്തം. ഇന്ന് രാവിലെയാണ് അപകടമുണ്ടായത്. വാഹനങ്ങളില്‍ ഇന്ധനം നിറയ്ക്കുന്നതിനിടയിലാണ് തീപ്പിടിത്തമുണ്ടാവുകയായിരുന്നു.

വെള്ളം കലര്‍ന്ന ഇന്ധനം പമ്പ് ചെയ്തു മാറ്റിവെച്ച ക്യാനുകള്‍ക്കാണ് തീപിടിച്ചത്. ക്യാന്‍ ലീക്കായി ഇന്ധനം പുറത്തേക്ക് ഒഴുകിയിരുന്നു. റോഡില്‍ നിന്ന് തീപിടിച്ച് മാറ്റിവെച്ച ക്യാനുകളിലേക്ക് പടരുകയായിരുന്നു. 

അപകടത്തെ തുടര്‍ന്ന് വടക്കാഞ്ചേരി- ചെറുതുരുത്തി പ്രധാന പാതയില്‍ ഗതാഗതം സംതംഭിച്ചു. രണ്ട് യൂണിറ്റ് ഫയര്‍ ഫോഴ്സ് സംഘം സ്ഥലത്തെത്തി തീ അണച്ചു. വന്‍ അപകടമാണ് തലനാരിഴയ്ക്ക് ഒഴിവായത്.