ദുബൈ: വയനാട്ടിലുണ്ടായ വിനാശകരമായ ഉരുള്‍പൊട്ടല്‍ ദുരന്തത്തില്‍ പുനരധിവാസ, സഹായ പദ്ധതികളുമായി  ആസ്റ്റര്‍ ഡിഎം ഹെല്‍ത് കെയര്‍ രംഗത്ത്.

തങ്ങളുടെ പ്രിയപ്പെട്ടവരെ നഷ്ടപ്പെട്ട ദുഃഖിതരായ കുടുംബങ്ങളോടും ഈ അഗാധമായ വിപത്തിനെ അഭിമുഖീകരിക്കുന്ന സമൂഹങ്ങളോടും അഗാധമായ അനുശോചനം രേഖപ്പെടുത്തുന്നുവെന്നും ആസ്റ്റര്‍ സ്ഥാപക ചെയര്‍മാന്‍ ഡോ. ആസാദ് മൂപ്പന്‍ പ്രസ്താവനയില്‍ പറഞ്ഞു. ഈ വിനാശകരമായ വിപത്തിന്റെ ഇരകളായവരോടൊപ്പമാണ് തങ്ങളുടെ ചിന്തകളെന്നും അദ്ദേഹം വ്യക്തമാക്കി.

ഈ ദുരന്തത്തിന്റെ ഫലത്തോടുള്ള മനുഷ്യത്വപരമായ സമീപനമായി ഡോ. മൂപ്പന്‍സ് മെഡിക്കല്‍ കോളജ് സര്‍ക്കാര്‍ ആശുപത്രികളുമായും പി.എച്ച്.സികളുമായും ഏകോപിപ്പിച്ച് പരുക്കേറ്റവര്‍ക്ക് ചികിത്സയും കിടത്തിച്ചികിത്സയും വാഗ്ദാനം ചെയ്യുന്നുവെന്നും അദ്ദേഹം വ്യക്തമാക്കി. തടസ്സങ്ങളില്ലാത്ത ചികിത്സക്കാവശ്യമായ അധിക മെഡിക്കല്‍ ഉപകരണങ്ങളുമായി തങ്ങളെ പിന്തുണച്ചതിന് കേരള സര്‍ക്കാരിനോടും തങ്ങള്‍ നന്ദിയുള്ളവരാണെന്നും അദ്ദേഹം പറഞ്ഞു.

തങ്ങളുടെ മെഡിക്കല്‍, നോണ്‍മെഡിക്കല്‍ സ്റ്റാഫിന് പുറമെ, പരിക്കേറ്റവരെ പരിചരിക്കാനായി ആസ്റ്റര്‍ വോളണ്ടിയര്‍മാരും ദുരന്ത ബാധിത പ്രദേശങ്ങളിലേക്ക് ഒരു ടീമിനെയും മൊബൈല്‍ മെഡിക്കല്‍ യൂണിറ്റിനെയും സജ്ജമാക്കിയിട്ടുണ്ട്. ദേശീയ ദുരന്ത നിവാരണ സേനയെ (എന്‍.ഡി.ആര്‍.എഫ്) അവരുടെ അസാധാരണവും അശ്രാന്തവുമായ പരിശ്രമങ്ങളില്‍ പിന്തുണക്കാന്‍ വെള്ളം, ഭക്ഷണം, മറ്റ് അവശ്യ കാര്യങ്ങള്‍ സംഘം വിതരണം ചെയ്യുന്നു.

''ഞങ്ങള്‍ നടത്തുന്ന ഓണ്‍ ദി ഗ്രൗണ്ട് പ്രയത്‌നങ്ങള്‍ക്ക് പുറമേ, ഞങ്ങള്‍ 1000 കോടി രൂപ നല്‍കി. മുഖ്യമന്ത്രിയുടെ ദുരിതാശ്വാസ നിധിയിലേക്ക് 1.5 കോടി രൂപയും നല്‍കി. ദുരന്തത്തെ തുടര്‍ന്ന് കുടിയിറക്കപ്പെട്ടവര്‍ക്ക് വീടുകള്‍ പുനര്‍നിര്‍മിക്കാന്‍ 2.5 കോടി. കൂടാതെ, ദുരന്തത്തില്‍ അകപ്പെട്ടവര്‍ക്ക് കഴിയുന്ന വിധത്തിലുള്ള പിന്തുണയും ഞങ്ങള്‍ തുടരും'' -അദ്ദേഹം പ്രസ്താവനയില്‍ വ്യക്തമാക്കി.

തങ്ങളുടെ ഏതാനും ജീവനക്കാരെ ഇന്നലെ മുതല്‍ കാണാതായതായും മനസ്സിലാക്കിയെന്ന് പറഞ്ഞ അദ്ദേഹം, അവരെയെല്ലാം കണ്ടെത്തി സുരക്ഷിതമായി വീട്ടിലെത്തിക്കാനുള്ള ശ്രമങ്ങളില്‍ ഉറച്ചു നില്‍ക്കുന്നുവെന്നും, ദുരിത ബാധിതരായ ജീവനക്കാര്‍ക്ക് ദുരിതാശ്വാസ സാമഗ്രികള്‍, പ്രഥമ ശുശ്രൂഷ, മെഡിക്കല്‍ സേവനങ്ങള്‍ എന്നിവയും നല്‍കി.  അവര്‍ക്കും അവരുടെ കുടുംബങ്ങള്‍ക്കും ആസ്റ്റര്‍ പൂര്‍ണ പിന്തുണ നല്‍കുന്നുവെന്നും അദ്ദേഹം കൂട്ടിച്ചേര്‍ത്തു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക