അബൂദബി: ഇറാൻ-ഇസ്റാഈൽ സംഘർഷം രൂക്ഷമായ സാഹചര്യത്തിൽ അബൂദബിയിൽ കുടുങ്ങിപ്പോയ വിനോദസഞ്ചാരികൾക്കും ട്രാൻസിറ്റ് യാത്രക്കാർക്കും ആശ്വാസമായി അബൂദബി സാംസ്കാരിക വിനോദസഞ്ചാര വകുപ്പ് (DCT Abu Dhabi). 

വിമാനങ്ങൾ റദ്ദാക്കിയതോ മറ്റോ ആയ കാരണങ്ങളാൽ നാട്ടിലേക്ക് മടങ്ങാൻ കഴിയാതെ അബൂദബിയിൽ കുടുങ്ങിയ വിനോദസഞ്ചാരികളുടെ താമസസൗകര്യം നീട്ടിനൽകാൻ സർക്കാർ ഹോട്ടലുകൾക്ക് നിർദ്ദേശം നൽകി.

ALSO READ: ഇറാനിൽ വൻ സ്ഫോടനം; 43 സുരക്ഷാ ഉദ്യോഗസ്ഥർ കൊല്ലപ്പെട്ടതായി റിപ്പോർട്ട്

യാത്രക്കാർ എത്ര ദിവസം അധികമായി താമസിക്കുന്നോ, ആ തുക ഹോട്ടലുകൾക്ക് സർക്കാർ നൽകും. അതായത് യാത്രക്കാർ ഇതിനായി പണം നൽകേണ്ടതില്ല.

പ്രതിസന്ധി ഘട്ടത്തിൽ വിനോദസഞ്ചാരികളെ സഹായിക്കുന്നതിന്റെ ഭാഗമായാണ് അബൂദബി സാംസ്കാരിക വിനോദസഞ്ചാര വകുപ്പ് ഈ തീരുമാനമെടുത്തത്.

The Department of Culture and Tourism Abu Dhabi (DCT Abu Dhabi) is providing support to stranded tourists and transit passengers amidst escalating Iran-Israel tensions.