അബൂദബി: രാജ്യത്തെ നിലവിലെ സാഹചര്യങ്ങൾ നേരിടുന്നതിൽ യുഎഇയിലെ ജനങ്ങൾ പ്രകടിപ്പിക്കുന്ന ജാഗ്രതയെയും സഹകരണത്തെയും പ്രശംസിച്ച് നാഷണൽ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്‌മെന്റ് അതോറിറ്റി (NCEMA). പ്രതിസന്ധികളെ ഫലപ്രദമായി കൈകാര്യം ചെയ്യുന്നതിൽ ജനങ്ങളുടെ പിന്തുണ നിർണ്ണായകമാണെന്ന് അതോറിറ്റി വ്യക്തമാക്കി.

ഔദ്യോഗിക നിർദ്ദേശങ്ങൾ പാലിക്കുന്നതിലും പരിഭ്രാന്തിയില്ലാതെ ഉത്തരവാദിത്തത്തോടെ പെരുമാറുന്നതിലും താമസക്കാർ കാണിക്കുന്ന അച്ചടക്കം യുഎഇ സമൂഹത്തിന്റെ കരുത്താണ് പ്രതിഫലിപ്പിക്കുന്നത്. അധികൃതർ നൽകുന്ന മാർഗ്ഗനിർദ്ദേശങ്ങൾ കൃത്യമായി പിന്തുടരുന്നത് രക്ഷാ പ്രവർത്തനങ്ങൾ എളുപ്പമാക്കാൻ സഹായിക്കുന്നുണ്ടെന്ന് ഉദ്യോഗസ്ഥർ ചൂണ്ടിക്കാട്ടി.

ALSO READ: ഇസ്റാഈലിൽ ഇറാൻ്റെ മിസൈൽ ആക്രമണം: മരണം ഒമ്പതായി ഉയർന്നു

ജനങ്ങളും ഭരണകൂടവും തമ്മിലുള്ള ഈ പങ്കാളിത്തം രാജ്യത്തിന്റെ സുരക്ഷ ഉറപ്പാക്കുന്നതിനും എല്ലാവർക്കും സമാധാനപരമായ അന്തരീക്ഷം പ്രദാനം ചെയ്യുന്നതിനും സഹായിക്കും. വരും ദിവസങ്ങളിലും ഇതേ സഹകരണം തുടരണം. കൂടാതെ, ജനങ്ങൾ ഔദ്യോഗിക സ്രോതസ്സുകളിൽ നിന്നുള്ള വിവരങ്ങൾ മാത്രം വിശ്വസിക്കാവൂവെന്നുമ എൻ.സി.ഇ.എം.എ വ്യക്തമാക്കി.

The National Emergency Crisis and Disaster Management Authority (NCEMA) has commended the UAE public's vigilance and cooperation in addressing current challenges, stating that their support is crucial in effectively managing crises.