കോഴിക്കോട്: കൊയിലാണ്ടിയില്‍ മത്സ്യബന്ധന ബോട്ടിനുള്ളില്‍ കുക്കര്‍ പൊട്ടിത്തെറിച്ച് മൂന്നു പേര്‍ക്ക് പരുക്കേറ്റു. മത്സ്യത്തൊഴിലാളികളായ ജോസ്, കുമാര്‍, ഷിബു എന്നിവര്‍ക്കാണ് പരുക്കുപറ്റിയത്.

ഇതില്‍ രണ്ടുപേരുടെ നില ഗുരുതരമാണ്. തമിഴ്‌നാട് കുളച്ചല്‍ സ്വദേശികളാണ് ഇവര്‍. ഭക്ഷണം പാകം ചെയ്യുന്നതിനിടെയാണ് അപകടമുണ്ടായത്. കൊയിലാണ്ടി താലൂക്കാശുപത്രിയില്‍ പ്രവേശിപ്പിച്ച ഇവരെ പിന്നീട് മെഡിക്കല്‍ കോളിജിലേക്ക് മാറ്റുകയായിരുന്നു.