ന്യൂഡല്‍ഹി: സെബി ചെയര്‍പേഴ്‌സണിനെതിരെ ഗുരുതര വെളിപ്പെടുത്തലുമായി ഹിന്‍ഡന്‍ബര്‍ഗ് റിസര്‍ച്ച്. സെബി ചെയര്‍പേഴ്‌സണ്‍ മാധബി പുരി ബുച്ചിന് അദാനിയുടെ നിഴല്‍ കമ്പനികളില്‍ പങ്കുണ്ടെന്നാണ് ആരോപണം. അദാനിക്കെതിരെ കൃത്യമായ അന്വേഷണം നടത്താന്‍ സെബിക്ക് താല്‍പര്യമില്ലെന്നും റിപ്പോര്‍ട്ടിലുണ്ട്.

മാധബി പുരി ബുച്ചിനും, ഭര്‍ത്താവ് ധവല്‍ ബുച്ചിനും അദാനി പണമിടപാടിന് ഉപയോഗിക്കുന്ന ഷെല്‍  കമ്പനികളില്‍ ഓഹരിയുണ്ടെന്നാണ് ആരോപണം. തെളിവുണ്ടായിട്ടും, 40ലധികം സ്വതന്ത്ര മാധ്യമങ്ങളുടെ അന്വേഷണ റിപ്പോര്‍ട്ടുകള്‍ ലഭിച്ചിട്ടും സെബി അദാനി ഗ്രൂപ്പിനെതിരെ നടപടിയെടുക്കാത്തത് ദുരൂഹമാണെന്നും റിപ്പോര്‍ട്ടില്‍ പരാമര്‍ശമുണ്ട്.

രഹസ്യ കമ്പനികളില്‍ 2015നാണ് മാധബി ബുച്ചും ഭര്‍ത്താവും നിക്ഷേപം ആരംഭിച്ചത്. 2017 മുതല്‍ മാധബി ബുച്ച് സെബിയില്‍ മുഴുസമയ അംഗമായതോടെ അക്കൗണ്ട് ഭര്‍ത്താവിന്റെ പേരില്‍ മാത്രമായി. ഇതിനായി നല്‍കിയ കത്തും ഹിന്‍ഡന്‍ബര്‍ഗും പുറത്തുവിട്ടിട്ടുണ്ട്.

hindenburg research latest reveal on adani and sebi