മേപ്പാടി: വയനാട്ടിലെ ഉരുള്‍പൊട്ടല്‍ ദുരന്തത്തില്‍ രണ്ട് ശരീരഭാഗങ്ങള്‍ കൂടി കണ്ടെത്തി. പരപ്പന്‍ പാറയില്‍ സന്നദ്ധ പ്രവര്‍ത്തകരും ഉദ്യാഗസ്ഥരും നടത്തിയ തെരച്ചിലിലാണ് കണ്ടെത്തിയത്. 

 മുണ്ടക്കൈ, ചൂരല്‍മല ഉള്‍പ്പെടെയുള്ള ആറ് സോണുകള്‍ കേന്ദ്രീകരിച്ച് രാവിലെ എട്ട് മണി മുതലാണ് ജനകീയ തെരച്ചില്‍ ആരംഭിച്ചത്. ക്യാംപിലുള്ളവരില്‍ സന്നദ്ധരായവരെ കൂടി ഉള്‍പ്പെടുത്തിയാണ് തെരച്ചില്‍.  പ്രാദേശിക ജനപ്രതിനിധികള്‍, സന്നദ്ധ പ്രവര്‍ത്തകര്‍ തുടങ്ങിയവരും പങ്കെടുക്കുന്നുണ്ട്. 

നാളെ പുഴയുടെ താഴെ ഭാഗങ്ങളില്‍ സേനയെ ഉപയോഗിച്ച് തെരച്ചില്‍ നടത്തും. ചൂരല്‍മല മേപ്പാടി ഉരുള്‍പൊട്ടലില്‍ കാണാതായവരുടെ തിരച്ചിലിനായി കരട് പട്ടിക തയ്യാറാക്കിയിട്ടുണ്ട്. നിലവില്‍ 130 പേരാണ് ഉള്‍പ്പെട്ടിട്ടുള്ളത്.

In the aftermath of the Meppadi landslide disaster in Wayanad, search teams have discovered two more body parts at Parappanpara