വളാഞ്ചേരി: വാടക ക്വാര്‍ട്ടേഴ്‌സ് കേന്ദ്രീകരിച്ചു അനാശാസ്യപ്രവര്‍ത്തനം നടത്തിയ ആറുപേരെ വളാഞ്ചേരി പൊലിസ് അറസ്റ്റ് ചെയ്തു. വളാഞ്ചേരി വൈക്കത്തൂരിലെ വാടക ക്വാര്‍ട്ടേഴ്‌സിലെ താമസക്കാരായ സുബ്രഹ്മണ്യന്‍(66), ഭാര്യ കമലം(55) ഇടപാടുകാരായ തിരുന്നാവായ സ്വദേശികളായ മുഹമ്മദ് ഹനീഫ(42), നിയാസ്(30) എന്നിവരും കുറ്റിപ്പുറം സ്വദേശികളായ ഫാത്തിമ സുഹറ(37), റംല(25) എന്നിവരുമാണു പിടിയിലായത്. ഇവരില്‍ നിന്നും 20000 രൂപയും അഞ്ചു മൊബൈല്‍ ഫോണുകളും കണ്ടെടുത്തു.
വൈക്കത്തൂരിലെ വാടക ക്വാര്‍ട്ടേഴ്‌സ് കേന്ദ്രീകരിച്ചു അനാശാസ്യ പ്രവര്‍ത്തനം നടത്തുന്നതായി നിരവധി തവണ പരാതി ലഭിച്ചതിന്റെ അടിസ്ഥാനത്തില്‍ നടത്തിയ പരിശോധനയിലാണു പ്രതികള്‍ പിടിയിലായതെന്ന് പൊലിസ് പറഞ്ഞു.
വളാഞ്ചേരി സി.ഐ. കെ.എം. സുലൈമാന്‍, എസ്. ഐ. കെ.പി. മിഥുന്‍, എ.എസ്.ഐ. വിവേകാനന്ദന്‍, എസ്.സി.പി.ഒ മാരായ സജീവന്‍, സുരേഷ്, ഡബ്ല്യൂ.സി.പി.ഒ. പത്മിനി എന്നിവരടങ്ങിയ സംഘമാണു പ്രതികളെ പിടികൂടിയത്. പ്രതികളെ തിരൂര്‍ മജിസ്‌ട്രേറ്റിന് മുന്നില്‍ ഹാജരാക്കി റിമാന്‍ഡ് ചെയ്തു.