ബെംഗളൂരു: ബെംഗളൂരു അന്താരാഷ്ട്ര വിമാനത്താവളത്തില്‍ ടെര്‍മിനല്‍ 1ന് മുന്നില്‍ വെച്ച് സെക്യൂരിറ്റി ജീവനക്കാരനെ കുത്തിക്കൊന്നു. തുമക്കുരു മധുഗിരി സ്വദേശി രാമകൃഷ്ണയാണ് (48) കൊല്ലപ്പെട്ടത്. 

ഇന്ന് വൈകിട്ട് ആറ് മണിയോടെയാണ് സംഭവത്തില്‍ കൊല്ലപ്പെട്ട രാമകൃഷ്ണയുടെ നാട്ടുകാരന്‍ രമേശാണ് പ്രതി. ഇയാളെ പൊലീസ് അറസ്റ്റ് ചെയ്തു. കൊലപാതകം വ്യക്തി വൈരാഗ്യത്തെ തുടര്‍ന്നാണെന്നാണ് പ്രാഥമിക നിഗമനം. 

വിമാനത്താവളത്തിലെ ടെര്‍മിനല്‍ 1ന്റെ ശുചി മുറിക്ക് അടുത്ത് വെച്ച് കൊല്ലപ്പെട്ട രാമകൃഷ്ണയെ പ്രതി രമേശ് ആക്രമിച്ചുവെന്നും, രമേശ് കയ്യില്‍ കരുതിയ കത്തി എടുത്ത് കുത്തുകയായിരുന്നു എന്നുമാണ് ദൃക്‌സാക്ഷികള്‍ പൊലീസിന് നല്‍കിയ വിവരം. സംഭവ സ്ഥലത്ത് വച്ച് തന്നെ മരിച്ച രാമകൃഷ്ണയുടെ മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റി. നിയമപരമായ നടപടിക്രമങ്ങള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടുകൊടുക്കും.

A security personnel was fatally stabbed at the Bengaluru International Airport, sparking an investigation into the incident and raising concerns about airport security measures.