കുവൈത്തില്‍ കുടിയേറ്റ നിയമലംഘകരെ പിടികൂടാൻ വ്യാപക പരിശോധന. താമസ, കുടിയേറ്റ നിയമലംഘകരെ പിടികൂടാനായി അധികൃതർ പരിശോധന ആരംഭിച്ചു. രാജ്യത്തെ തൊഴിൽമേഖലയിലെ പ്രശ്നങ്ങൾ പരിഹരിക്കാനുള്ള ശ്രമത്തിന്റെ ഭാഗമായാണ് ഈ നടപടി. ആറ് ഗവർണ്ണറേറ്റുകളുടെയും വിവിധ സർക്കാർ ഏജൻസികളുടെയും സഹകരണത്തോടെയാണ്  പരിശോധന.

ഒന്നാം ഉപപ്രധാനമന്ത്രിയും പ്രതിരോധ-ആഭ്യന്തര വകുപ്പ് മന്ത്രിയുമായ ഷെയ്ഖ് ഫഹദ് യൂസഫ് അൽ സബാഹിന്റെ നേതൃത്വത്തിൽ ചേർന്ന യോഗത്തിൽ രാജ്യത്തെ തൊഴിൽമേഖലയിലെ പ്രതിസന്ധികൾ എങ്ങനെ തരണം ചെയ്യാമെന്നു ചർച്ച ചെയ്തു. ഈ വർഷം ആദ്യം കുവൈത്തില്‍ ഒരു ലക്ഷത്തിലേറെ താമസ-കുടിയേറ്റ നിയമലംഘകരുണ്ടായിരുന്നു. ഇവർക്ക് രാജ്യം വിട്ട് പോകാനും, സ്പോൺസർഷിപ്പ് മാറി താമസ രേഖ (ഇഖാമ) നേടാനുമുള്ള ഒരു പൊതുമാപ്പ് അനുവദിച്ചിരുന്നു. ഇതുവഴി 65,000 വിദേശികളാണ് ആനുകൂല്യം പ്രയോജനപ്പെടുത്തിയത്.

Kuwait Launches Widespread Inspections to Catch Immigration Law Violators