കൊച്ചി: ജൂനിയര്‍ ആര്‍ട്ടിസ്റ്റിന്റെ ലൈംഗികാരോപണത്തില്‍ നടന്‍ ബാബുരാജിനെതിരേ കേസെടുത്തു. അടിമാലി പോലീസാണ് യുവതിയുടെ മൊഴി രേഖപ്പെടുത്തിയ ശേഷം കേസെടുത്തത്. സിനിമയില്‍ അവസരം വാഗ്ദാനം ചെയ്ത് ആലുവയിലെ വീട്ടില്‍ കൊണ്ടുപോയി ബാബുരാജ് ബലാത്സംഗം ചെയ്‌തെന്നാണ് യുവതിയുടെ ആരോപണം. ഉപദ്രവിക്കപ്പെട്ടതിന്റെ പിറ്റേദിവസം മാത്രമാണ് തനിക്ക് അവിടെ നിന്ന് രക്ഷപ്പെടാനായതെന്നും, തനിക്ക് അറിയാവുന്ന മറ്റു ചില  പെണ്‍കുട്ടികള്‍ക്കും ബാബുരാജില്‍ നിന്ന് സമാന അനുഭവം ഉണ്ടായിട്ടുണ്ടെന്നും ഇവര്‍ ആരോപിക്കുന്നു.

തനിക്കെതിരെയുള്ള ആരോപണങ്ങള്‍ ആസൂത്രിതമാണെന്നാണ് ബാബുരാജ് വ്യക്തമാക്കുന്നത്. 2019 ല്‍ താന്‍ ആലുവയില്‍ അല്ല, മൂന്നാറില്‍ ആണ് താമസമെന്നും ആലുവയിലെ വീട് മോശം അവസ്ഥയിലായിരുന്നുവെന്നും, പിന്നീട് 2020 ല്‍ കോവിഡ് സമയത്താണ് ആ വീട് നന്നാക്കി അവിടെ താമസിക്കുന്നതെന്നും ബാബുരാജ് പറയുന്നു. താന്‍ അമ്മയുടെ അടുത്ത ജനറല്‍ സെക്രട്ടറി ആകുമെന്ന് കരുതിയാണ് വെളിപ്പെടുത്തലെന്നും, ആരോപണങ്ങള്‍ 100 ശതമാനം തെറ്റായതും, കഴമ്പില്ലാത്തതുമാണെന്നും നടന്‍ പറയുന്നു. സംഘടനയുമായി ബന്ധപ്പെട്ടവരെ തളര്‍ത്തുക എന്ന ലക്ഷ്യത്തോടെ ഇപ്പോള്‍ ആര്‍ക്കും എന്തും വിളിച്ചുപറയാന്‍ പറ്റുന്ന സാഹചര്യമാണെന്നും ബാബുരാജ് പറയുന്നു.

A case has been registered against Malayalam actor Baburaj for alleged sexual misconduct. The investigation is underway, and further details are awaited.