കൊച്ചി: മലയാളികള്‍ക്ക് ഓണസമ്മാനവുമായി എയര്‍ ഇന്ത്യ എക്‌സ്പ്രസ്. വെറും 932 രൂപ മുതലാണ് എയര്‍ ഇന്ത്യ ഫ്‌ലാഷ് സെയിലില്‍ ടിക്കറ്റ് നിരക്കുകള്‍ ആരംഭിക്കുന്നത്.

എയര്‍ ഇന്ത്യ എക്‌സ്പ്രസിന്റെ വെബ്‌സൈറ്റിലൂടെയും, മൊബൈല്‍ ആപ്പിലൂടെയും സെപ്തംബര്‍ 16 വരെ ടിക്കറ്റുകള്‍ ബുക്ക് ചെയ്യുന്നവര്‍ക്കാണ് എയര്‍ ഇന്ത്യ എക്‌സ്പ്രസിന്റെ ഈ സെപ്ഷ്യല്‍ ഓഫര്‍ ലഭ്യമാകുക. 2025 മാര്‍ച്ച് 31 വരെയുള്ള യാത്രകള്‍ക്ക് ഈ ടിക്കറ്റ് ഉപയോഗിക്കാനാകും. മറ്റ് ബുക്കിങ് പ്ലാറ്റ്‌ഫോമുകളിലൂടെ ടിക്കറ്റുകള്‍ ബുക്ക് ചെയ്യുന്നവര്‍ക്ക് 1088 രൂപ മുതലാണ് ടിക്കറ്റ് നിരക്കുകല്‍ ആരംഭിക്കുന്നത്. മലയാളികള്‍ക്ക് ഓണസമ്മാനമായി എത്തിയ ഈ ഓഫര്‍ നിരക്കുകള്‍, മലയാളികള്‍ ഏറെ ആശ്രയിക്കുന്ന കൊച്ചി-ബാംഗ്ലൂര്‍, ബാംഗ്ലൂര്‍-ചെന്നൈ മുതല്‍ ഡെല്‍ഹി-ഗ്വാളിയര്‍, ഗുവാഹത്തി-അഗര്‍ത്തല ഉള്‍പ്പെടെയുള്ള നിരവധി റൂട്ടുകളില്‍ ലഭിക്കും.

വെബ്‌സൈറ്റ് വഴി ബുക്ക് ചെയ്ത് ചെക്ക് ഇന്‍ ബാഗേജ് ഇല്ലാതെ എക്‌സ്പ്രസ് ലൈറ്റ് നിരക്കുകളില്‍ യാത്ര ചെയ്യുന്നവര്‍ക്ക് അധികമായി മൂന്ന് കിലോ ക്യാബിന്‍ ബാഗേജ് സൗജന്യമായി കൊണ്ടുപോകാം. ഇതിനായി നേരത്തെ ബുക്ക് ചെയ്യണം. ആഭ്യന്തര വിമാനങ്ങളില്‍ 15 കിലോ ചെക്ക് ഇന്‍ ബാഗേജിന് 1,000 രൂപയും രാജ്യാന്തര വിമാനങ്ങളില്‍ 20 കിലോ ബാഗേജിന് 1300 രൂപയുമാണ് നിരക്ക് ഈടാക്കുന്നത്. വെബ്‌സൈറ്റിലൂടെ ടിക്കറ്റ് ബുക്ക് ചെയ്യുന്ന എയര്‍ ഇന്ത്യ എക്‌സ്പ്രസ് ലോയല്‍റ്റി അംഗങ്ങള്‍ക്ക് 8 ശതമാനം വരെ ന്യൂ കോയിനുകള്‍, 40 ശതമാനം കിഴിവില്‍ ഗോര്‍മേര്‍ ഭക്ഷണം, പാനീയങ്ങള്‍, ബിസ്, പ്രൈം സീറ്റുകള്‍, മുന്‍ഗണന സേവനങ്ങള്‍ തുടങ്ങിയവയും ലഭിക്കും.

"Air India Express has announced a flash sale, offering domestic flights at a steal! Book now and fly across India starting from just ₹932. Don't miss this incredible opportunity to save big on your next flight. Hurry, offer valid for a limited period only!"