ഷാർജ:ഷാർജയിൽ മുഹമ്മദ് നബിയുടെ ജന്മദിനമായ ഞായറാഴ്‌ച(15) പൊതു പാർക്കിങ് സൗജന്യമായിരിക്കും. എന്നാൽ ഏഴ് ദിവസത്തെ പണമടച്ചുള്ള പൊതു പാർക്കിങ് സോണുകൾക്ക് ഈ ഇളവ് ബാധകമായിരിക്കില്ല. പണമടച്ചുള്ള പൊതു പാർക്കിങ് സോണുകൾ ആഴ്ചയിൽ എല്ലാ ദിവസവും ഔദ്യോഗിക അവധി ദിനങ്ങളിലും പ്രവർത്തിക്കും. നീല പാർക്കിങ് ചിഹ്‌നങ്ങൾ ഉപയോഗിച്ച് ഇവ വേർതിരിച്ചിട്ടുണ്ട്. 

ഗൾഫ് രാജ്യങ്ങൾ ഉൾപ്പെടെ മിക്ക ഇസ് ലാമിക രാജ്യങ്ങളിലും പ്രവാചകൻ്റെ ജന്മദിനം അറബിക് മാസം റബിഅൽ അവ്വൽ 12 ന് ആഘോഷിക്കുന്നു. ഇത് ഇസ്‌ലാമിക കലണ്ടറിലെ മൂന്നാം മാസമാണ്.

പൊതു അവധി ദിവസങ്ങളിൽ പണമടച്ചുള്ള പാർക്കിംഗ്

ഈ നിർണായക പാർപ്പിട, വാണിജ്യ ജില്ലയിൽ പാർക്കിംഗ് സ്ഥലങ്ങൾക്കായുള്ള ഉയർന്ന ഡിമാൻഡ് കൈകാര്യം ചെയ്യുന്നതിനായി ഷാർജയിലെ മുവൈലെ വാണിജ്യ മേഖലയ്ക്ക് ചുറ്റുമുള്ള എല്ലാ പൊതു പാർക്കിംഗുകൾക്കും പൊതു അവധി ദിനങ്ങൾ ഉൾപ്പെടെ ആഴ്ചയിലുടനീളം നിരക്കുകൾ ഈടാക്കുമെന്ന് സെപ്റ്റംബർ 2 ന് മുനിസിപ്പാലിറ്റി പ്രഖ്യാപിച്ചു.

പുതിയ സമയവും ഫീസും ഡ്രൈവർമാരെ അറിയിക്കുന്നതിനായി ഷാർജ മുനിസിപ്പാലിറ്റിയുടെ പബ്ലിക് പാർക്കിംഗ് മാനേജ്‌മെൻ്റ് പ്രദേശത്തുടനീളം നീല ദിശാസൂചന ബോർഡുകൾ സ്ഥാപിച്ചിട്ടുണ്ട്.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക