പാനൂര്‍: കരിയാട്  കിടഞ്ഞിയിലെ പൗരപ്രമുഖനും പൊതു പ്രവര്‍ത്തകനും എസ്.വൈ.എസ് സംസ്ഥാന കൗണ്‍സിലറും മുസ്ലിംലീഗ് നേതാവും  ഖത്തറിലെ സില്‍വര്‍ സ്റ്റാര്‍ ഗ്രൂപ്പിന്റെ മാനേജിംഗ് ഡയരക്ടറുമായ പൊറ്റേരി കുഞ്ഞമ്മദ് ഹാജി (63) അന്തരിച്ചു.ഹൃദയാഘത്തെ തുടര്‍ന്ന് ചികില്‍സയിലിരിക്കെ എറണാകുളത്തെ സ്വകാര്യ ആശുപത്രിയിലായിരുന്നു അന്ത്യം.

കിടഞ്ഞി ജുമാ മസ്ജിദ് മഹല്ല് കമ്മിറ്റി പ്രസിഡന്റ്, മുസ്ലിംലീഗ് കരിയാട് മേഖല ചെയര്‍മാന്‍, എസ്.വൈഎസ് മണ്ഡലം വൈസ് പ്രസിഡന്റ്, ഏരിയ ട്രഷന്‍, പെരിങ്ങത്തൂര്‍ സംയുക്ത മഹല്ല് കമ്മിറ്റി സെക്രട്ടറി,  എസ്.എം.എഫ് കരിയാട് റെയിഞ്ച് പ്രസിഡന്റ്, സി.എച്ച് മൊയ്തു മാസ്റ്റര്‍ സൊസൈറ്റി വൈസ്. പ്രസിഡന്റ് എന്നീ നിലകളില്‍ പ്രവര്‍ത്തിച്ചു വരികയായിരുന്നു. കിടഞ്ഞിയിലെ പൊറ്റേരിയില്‍ പരേതനായ കുഞ്ഞബ്ദുല്ലയുടെയും കുഞ്ഞാമി ഹജ്ജുമ്മയുടെയും മകനാണ്.

ഭാര്യ:മണ്ണയോട്ട് സക്കീന ഹജ്ജുമ്മ. മക്കള്‍: ഫഹദ് (എഞ്ചിനിയര്‍), ഫയാസ് (ബിസിനസ് ഖത്തര്‍), ഡോ. ഫായിസ് (മംഗളൂരു). മരുമക്കള്‍ മുജീബ (കുനിങ്ങാട്), നസ്മിന (പാനൂര്‍). സഹോദരങ്ങള്‍: ആഇശ, പൊറ്റേരി ഹമീദ് ഹാജി (പ്രസിഡന്റ്, കിടഞ്ഞി ശാഖ മുസ്ലിം ലീഗ് കമ്മിറ്റി), ജമീല ഹജ്ജുമ്മ, പൊറ്റേരി റഫീഖ്, നസീമ ഹമീദ്, പൊറ്റേരി റഷീദ്.
ഖബറക്കം ഇന്ന്  വൈകിട്ട് 4 മണിക്ക് കിടഞ്ഞി ജുമാ മസ്ജിദ് ഖബറസ്ഥാനില്‍