കയ്പമംഗലം: പ്രബോധന രംഗം പ്രഭാഷണങ്ങളില്‍ മാത്രം ചുരുങ്ങരുതെന്നും സമൂഹത്തിന്റെ നാനാതുറകളെയും സ്പര്‍ശിക്കുന്നതും കാലിക പ്രസകതമായ രീതികള്‍ അവലംഭിക്കാന്‍ കഴിയുന്ന തരത്തിലുള്ളതുമാവാന്‍ പ്രബോധകര്‍ ശ്രദ്ധിക്കണമെന്നും സമസ്ത കേരള ജംഇയ്യതുല്‍ മുഅല്ലിമീന്‍ ജനറല്‍ സെക്രട്ടറിയും ദാറുല്‍ ഹുദാ വൈസ് ചാന്‍സലറുമായ ഡോ. ബഹാഉദ്ദീന്‍ മുഹമ്മദ് നദ്‌വി പറഞ്ഞു.
സമസ്ത തൃശൂര്‍ ജില്ലാ കമ്മിറ്റി ചാമക്കാല ബീച്ച് പാലസില്‍ സംഘടിപ്പിച്ച പണ്ഡിത സംഗമത്തില്‍ സംസാരിക്കുകയായിരുന്നു അദ്ദേഹം. പരിശീലനം നേടാത്ത പ്രബോധന രീതി ഫലവത്താകില്ലെന്നും അത് കൊണ്ടാണ് സമസ്തയും ജംഇയ്യതുല്‍ മുഅല്ലിമീനും ഇത്തരം സംഗമങ്ങള്‍ സംഘടിപ്പിക്കുന്നതെന്നും അദ്ദേഹം കൂട്ടിച്ചേര്‍ത്തു.