കപ്പ വറുത്തതും പൊരിച്ചതുമൊക്കെ നമ്മള്‍ പാക്കറ്റുകള്‍ വാങ്ങി കഴിക്കാറുണ്ട്. അതുകൊണ്ടു തന്നെ അറിയാം ഇതെല്ലാവര്‍ക്കും വളരെ പ്രിയപ്പെട്ടതാണെന്ന്. എന്നാല്‍ വളരെ എളുപ്പത്തില്‍ അതും രുചിയോടെ നമുക്കിത് വീട്ടില്‍ തന്നെ വറൈറ്റിയായി ഉണ്ടാക്കാം.

കപ്പ- വലുത് ഒന്ന്
കടലപ്പൊടി- ഒരു കപ്പ്
കാരറ്റ്-1
പച്ചമുളക്- 2
സവാള- 2
ഇഞ്ചി- കാല്‍ ടീസ്പൂണ്‍
കറിവേപ്പില, മല്ലയില- ആവശ്യത്തിന്

ഉണ്ടാക്കുന്നവിധം

കപ്പ് ഗ്രേറ്റ് ചെയ്ത് പിഴിഞ്ഞു വയ്ക്കുക. ഇനി ഒരു ബൗളിലേക്ക് കപ്പയും കാരറ്റും പച്ചമുളകും സവാളയും കറിവേപ്പിലയും മല്ലിയിലയും കടലമാവും ഉപ്പുമിട്ട് ഒന്ന് മിക്‌സ് ചെയ്തതിനു ശേഷം ഇതൊന്നു മിക്‌സിയുടെ ജാറിലിട്ട് തരുതരിപ്പായി അരച്ചെടുക്കുക. കൈയില്‍ ഇത്തിരി എണ്ണ പുരട്ടി ഇത് ചെറിയ ഉരുളുകളാക്കി ചൂടായ എണ്ണയില്‍ വറുത്തെടുക്കാം. സോസ് കൂട്ടിയും കഴിക്കാം അല്ലാതെയും കിടിലന്‍ രുചിതന്നെയാണ്.