കൊച്ചി: ലൈംഗികാതിക്രമക്കേസില്‍ പ്രതി ചേര്‍ക്കപ്പെട്ട നടന്‍ ജയസൂര്യയുടെ രണ്ട് മുന്‍കൂര്‍ ജാമ്യ ഹരജികളും തീര്‍പ്പാക്കി ഹെക്കോടതി. സ്ത്രീത്വത്തെ അപമാനിച്ചു, സ്ത്രീകളെ ബലപ്രയോഗത്തിലൂടെ കീഴ്‌പ്പെടുത്താന്‍ ശ്രമിച്ചു തുടങ്ങി ജയസൂര്യക്കെതിരെ ചുമത്തിയ വകുപ്പുകള്‍ സംഭവം നടന്നതായി പറയുന്ന കാലയളവില്‍ ജാമ്യം കിട്ടാവുന്ന കുറ്റകൃത്യമായിരുന്നതിനാല്‍ മുന്‍കൂര്‍ ജാമ്യം ആവശ്യമില്ലെന്നാണ് കോടതിയുടെ വിലയിരുത്തല്‍.
 
ജസ്റ്റിസ് സി.എസ്. ഡയസിന്റേതാണ് ഉത്തരവ്. അന്വേഷണവുമായി സഹകരിക്കണമെന്നും കോടതി നിര്‍ദേശിച്ചു. 2012-13 കാലയളവില്‍ 'പിഗ്മാന്‍' സിനിമയുടെ ലൊക്കേഷനില്‍ വെച്ച് കയറിപ്പിടിച്ചെന്നാരോപിച്ച് നടി നല്‍കിയ പരാതിയിലാണ് ഒരു കേസ്. 2008 ജനുവരി ഏഴിന് 'ദേ ഇങ്ങോട്ട് നോക്കിയേ' എന്ന സിനിമയുടെ ഷൂട്ടിങ്ങിനിടെ കടന്നുപിടിച്ചെന്ന ആലുവ സ്വദേശിനിയായ നടിയുടെ പരാതിയിലാണ് മറ്റൊരു കേസ്.

Kerala High Court rejects Jayasurya's anticipatory bail pleas in connection with the sexual harassment case, marking a significant development in the ongoing investigation