മൊത്തത്തിലുള്ള ആരോഗ്യത്തിന് ഉറക്കം നിര്‍ണായകമാണ്. നിങ്ങള്‍ക്ക് വേണ്ടത്ര വിശ്രമം ലഭിക്കാതെ വരുമ്പോള്‍, അത് നിങ്ങളുടെ ശരീരത്തെ ദോഷകരമായി ബാധിക്കും. അത് നിങ്ങള്‍ തിരിച്ചറിഞ്ഞെന്ന് വരില്ല. നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് (NIH) നടത്തിയ ഒരു പഠനം കാണിക്കുന്നത്, സ്ഥിരമായ ഉറക്കക്കുറവ്, ഹൃദയ സംബന്ധമായ അസുഖങ്ങള്‍, ഉപാപചയ വൈകല്യങ്ങള്‍ എന്നിവയുള്‍പ്പെടെയുള്ള ദീര്‍ഘകാല ആരോഗ്യ അപകടങ്ങള്‍ക്ക് ഇടയാക്കുമെന്നാണ്. ആവശ്യത്തിന് ഉറക്കം ലഭിക്കാതെ വരുമ്പോള്‍ നിങ്ങളുടെ ശരീരത്തിന് എന്തുസംഭവിക്കുമെന്ന് നോക്കാം. 

മസ്തിഷ്‌ക പ്രവര്‍ത്തനം തകരാറിലാകുന്നു

നിങ്ങള്‍ വേണ്ടത്ര ഉറങ്ങാത്തപ്പോള്‍, നിങ്ങളുടെ മസ്തിഷ്‌കം മെമ്മറി നിലനിര്‍ത്തുന്നതിനും ഏകാഗ്രതയ്ക്കും വേണ്ടി പോരാടുന്നു. ശ്രദ്ധ കേന്ദ്രീകരിക്കാനും എളുപ്പത്തില്‍ ഓര്‍മിക്കാനും നിങ്ങള്‍ക്ക് ബുദ്ധിമുട്ട് തോന്നിയേക്കാം.

മാനസികാവസ്ഥയിലെ ഏറ്റക്കുറച്ചിലുകള്‍ 

അപര്യാപ്തമായ വിശ്രമം ക്ഷോഭം, നിരാശ, വൈകാരിക അസ്ഥിരത എന്നിവയിലേക്ക് നയിച്ചേക്കാം. നിങ്ങളുടെ ഉറക്കസമയം പതിവായി കുറയ്ക്കുന്നത് ഉത്കണ്ഠയും വര്‍ധിപ്പിക്കും. 

കോംപ്രമൈസ്ഡ് ഇമ്മ്യൂണ്‍ സിസ്റ്റം, 

അപര്യാപ്തമായ ഉറക്കം നിങ്ങളുടെ സിസ്റ്റത്തെ ബാധിച്ചേക്കാം, ഇത് ജലദോഷം, പനി എന്നിവ പോലുള്ള സാധാരണ രോഗങ്ങളെ പ്രതിരോധിക്കുന്നത് നിങ്ങളുടെ ശരീരത്തിന് കൂടുതല്‍ വെല്ലുവിളിയാകുന്നു.

ഹൃദ്രോഗസാധ്യത 

രക്തസമ്മര്‍ദ്ദം നിയന്ത്രിക്കുന്നതിനും ഹൃദയാരോഗ്യം ഉറപ്പാക്കുന്നതിനും വേണ്ടത്ര വിശ്രമം അനിവാര്യമായതിനാല്‍ കൃത്യമായ ഉറക്കക്കുറവ് ഹൃദ്രോഗ സാധ്യത വര്‍ദ്ധിപ്പിക്കുന്നു.

ശരീരഭാരം കൂടുക
 
നിങ്ങള്‍ക്ക് വേണ്ടത്ര ഉറക്കം ലഭിക്കാത്തപ്പോള്‍ അത് ഗ്രെലിന്‍, ലെപ്റ്റിന്‍ തുടങ്ങിയ വിശപ്പ് ഹോര്‍മോണുകളുടെ അളവ് തകരാറിലാക്കുകയും അനാരോഗ്യകരമായ ഭക്ഷണം ആഗ്രഹിച്ച് നിങ്ങളുടെ മെറ്റബോളിസെത്ത തടസ്സപ്പെടുത്തുകയും ചെയ്യുന്നു. ഇത് തുടര്‍ന്നാല്‍ തടി കൂടാന്‍ സാധ്യതയുണ്ട്.

ടൈപ്പ് 2 ഡയബറ്റിസ് 

ഒരു രാത്രിയില്‍ ആറ് മണിക്കൂറില്‍ താഴെ ഉറങ്ങുന്നത് നിങ്ങളുടെ ശരീരം ഗ്ലൂക്കോസ് നിയന്ത്രിക്കുന്നതിനെ ബാധിക്കുകയും ടൈപ്പ് 2 പ്രമേഹമുണ്ടാകാനുള്ള സാധ്യത വര്‍ദ്ധിപ്പിക്കുകയും ചെയ്യും.

സ്ഥിരമായ ഉറക്കക്കുറവ് നിങ്ങളെ ക്ഷീണിപ്പിക്കുക മാത്രമല്ല ചെയ്യുന്നത് - ഇത് നിങ്ങളുടെ തലച്ചോറിനെയും ശരീരത്തെയും ദീര്‍ഘകാല ആരോഗ്യത്തെയും ബാധിക്കുന്നു. ഉറക്കത്തിന് മുന്‍ഗണന നല്‍കുന്നത് നിങ്ങളുടെ ആരോഗ്യത്തിന് അത്യന്താപേക്ഷിതമാണ്.