പെരിന്തല്‍മണ്ണ: ഗതാഗതതിരക്കുള്ള പെരിന്തല്‍മണ്ണ ജങ്ഷനിലും നഗരത്തിലെ പ്രധാന റോഡുകളിലും സീബ്രാലൈന്‍ മാഞ്ഞിട്ട് മാസങ്ങള്‍ പിന്നിട്ടിട്ടും പുനസ്ഥാപിക്കാത്തത് അപകടങ്ങള്‍ വര്‍ധിപ്പിക്കുന്നു.
 മഞ്ചേരി- പെരിന്തല്‍മണ്ണ സംസ്ഥാനപാതയിലും ഊട്ടി റോഡിലും മണ്ണാര്‍ക്കാട് റോഡിലും പട്ടാമ്പി റോഡിലുമെല്ലാം സീബ്രാലൈനുകള്‍ മാഞ്ഞ നിലയിലാണ്. ജൂബിലി ജങ്ഷനില്‍ സീബ്രാ ലൈനുള്ള ഭാഗം തന്നെ കുഴികള്‍ കൊണ്ടണ്ട് നിറഞ്ഞിരിക്കുകയാണ്.
മുമ്പ് റോഡ് റബറൈസ്  ചെയത്‌പ്പോള്‍ വരച്ച സീബ്രാലൈനുകള്‍ പൂര്‍ണമായും മാഞ്ഞതോടെ വാഹനങ്ങള്‍ നിയന്ത്രണമില്ലാതെയാണ്  കടന്നുപോകുന്നത്. ജങ്ഷനില്‍ പൊലിസ് സാന്നിധ്യമില്ലാത്തതിനാല്‍ ആളുകള്‍ക്ക് റോഡ് മുറിച്ചുകടക്കാന്‍ ഏറെ പ്രയാസപ്പെടുന്നുണ്ടണ്ട്. മാസങ്ങള്‍ക്ക് മുമ്പ് ആനക്കയം-തിരൂര്‍ക്കാട് ഭാഗങ്ങള്‍ക്കിടക്ക് മാഞ്ഞുപോയ സീബ്രാലൈനുകളിലും മറ്റും റിഫ്‌ളക്ടറുകള്‍ സ്ഥാപിച്ചിരുന്നുവെങ്കിലും പെരിന്തല്‍മണ്ണ ഭാഗത്തെ  അവഗണിക്കുകയായിരുന്നു.