കോഡൂര്‍: വലിയാട് ടൗണ്‍ മുസ്‌ലിം യൂത്ത് ലീഗ് കമ്മിറ്റി ഉന്നത വിജയം നേടിയവരെ അനുമേ ാദിക്കുന്നതിനായി സംഘടിപ്പിച്ച പൊതുസമ്മേളനം കെ.കെ ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു.
പഞ്ചായത്ത് മുസ്‌ലിം യൂത്ത് ലീഗ് പ്രസിഡന്റ് നൗഷാദലി പരേങ്ങല്‍ അധ്യക്ഷനായി. ജില്ലാ പഞ്ചായത്ത് അംഗം അഡ്വ. പി.വി മനാഫ് മുഖ്യപ്രഭാഷണം നടത്തി.
ഗ്രാമപഞ്ചായത്ത് ആരോഗ്യവിദ്യാഭ്യാസ സ്ഥിരസമിതി അധ്യക്ഷന്‍ കെ.എം സുബൈര്‍, വില്ലന്‍ കുഞ്ഞാലന്‍ഹാജി, വി.പി മുഹമ്മദ്, കടമ്പോട്ട് കുഞ്ഞിമുഹമ്മദ്, കെ അലവിക്കുട്ടി മുസ്‌ലിയാര്‍, യൂത്ത് ലീഗ് മണ്ഡലം ജന. സെക്രട്ടറി കെ.എന്‍ ഷാനവാസ്, പഞ്ചായത്ത് ജന. സെക്രട്ടറി ടി മുജീബ്, ശാഖ ഭാരവാഹികളായ റഫീഖ് വാക്യത്തൊടി, അബ്ദുല്‍ ജലീല്‍ വില്ലന്‍, ഹംസത്ത് പനങ്ങാംപുറത്ത് സംസാരിച്ചു.