കൊച്ചി: ഹേമ കമ്മിറ്റി റിപ്പോര്‍ട്ടുമായി ബന്ധപ്പെട്ട വാര്‍ത്തകള്‍ റിപ്പോര്‍ട്ട് ചെയ്യുന്നതില്‍ മാധ്യമങ്ങള്‍ക്ക് ഹൈക്കോടതിയുടെ മുന്നറിയിപ്പ്. ഹേമ കമ്മിറ്റി മുന്‍പാകെ പരാതിക്കാരുടെ വെളിപ്പെടുത്തല്‍ എന്ന രീതിയില്‍ വാര്‍ത്തകള്‍ റിപ്പോര്‍ട്ട് ചെയ്യരുതെന്നാണ് ഹൈക്കോടതിയുടെ നിര്‍ദേശം. അത്തരം റിപ്പോര്‍ട്ടുകള്‍ നീതി നിര്‍വ്വഹണത്തെ തടസപ്പെടുത്തുന്നതായി കണക്കാക്കുമെന്നും ഹൈക്കോടതി മുന്നറിയിപ്പ് നല്‍കി.

അന്വേഷണ പുരോഗതി അറിയാന്‍ ശ്രമിക്കുന്ന മാധ്യമങ്ങള്‍ക്ക് പ്രത്യേക സംഘം പൊതുവായ മുന്നറിയിപ്പ് നല്‍കണമെന്നും, മുന്നറിയിപ്പ് അവഗണിച്ച് കൊണ്ട് മാധ്യമങ്ങള്‍ ബന്ധപ്പെട്ടാല്‍ തെളിവ് സഹിതം കോടതിയെ അറിയിക്കണമെന്നും ഹൈകോടതി നിര്‍ദ്ദേശിച്ചു. കോടതി ഉത്തരവിന് വിരുദ്ധമായി ഹേമ കമ്മിറ്റിയുമായി ബന്ധപ്പെട്ട വാര്‍ത്തകള്‍ റിപ്പോര്‍ട്ട് ചെയ്താല്‍ ഗൗരവമായി കാണുമെന്നും ഹൈക്കോടതി വ്യക്തമാക്കി.

The High Court has prohibited the reporting of the Hema Committee report, effectively restricting media outlets from disclosing its contents. This move aims to maintain confidentiality and potentially prevent sensitive information from being leaked.