തിരുവനന്തപുരം: ക്രമസമാധാന ചുമതലയുള്ള എ.ഡി.ജി.പി എം.ആര്‍ അജിത്കുമാര്‍ ആര്‍.എസ്.എസ് നേതാക്കളുമായുള്ള കൂടിക്കാഴ്ചയെ കുറിച്ച് അന്വേഷിച്ച സംസ്ഥാന പൊലിസ് മേധാവി ഷേഖ് ദര്‍വേഷ് സാഹേബ് റിപ്പോര്‍ട്ട് മുഖ്യമ്രന്തിക്ക് ഇന്ന് കൈമാറും. അന്വേഷണ സമയം ഇന്നലെ കഴിഞ്ഞിരുന്നു. ആര്‍.എസ്.എസ് നേതാക്കളുമായുള്ള കൂട്ടിക്കാഴ്ച സ്വകാര്യ സന്ദര്‍ശനമാണെന്ന അജിത്കുമാറിന്റെ വിശദീകരണം തള്ളുന്നതാണ് ഡി.ജി.പിയുടെ റിപ്പോര്‍ട്ട് എന്നാണ് അറിയുന്നത്.

സി.പി.ഐയുടെ സമ്മര്‍ദവും റിപ്പോര്‍ട്ട് കിട്ടിയാല്‍ ഉടന്‍ നടപടി വേണമെന്ന സി.പി.എമ്മിന്റെ ആവശ്യത്തെയും തുടര്‍ന്ന് മുഖ്യമന്ത്രി അജിത്കുമാറിനെതിരേ നടപടി എടുത്തേക്കും. അതേസമയം, എം.ആര്‍ അജിത്കുമാറിന് എതിരായ നടപടിക്ക് മുഹൂര്‍ത്തം നിശ്ചയിച്ചിട്ടില്ലെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം പറഞ്ഞു.

അന്വേഷണ റിപ്പോര്‍ട്ട് കിട്ടിയാല്‍ ഇടതുപക്ഷ സര്‍ക്കാര്‍ എന്തു ചെയ്യണമോ അത് ചെയ്യും. മുഹൂര്‍ത്തമല്ല, നിലപാടാണ് പ്രധാനം. ഏതു വിഷയത്തിലും ഇടതുപക്ഷ പരിഹാരം മാത്രമാണ് സി.പി.ഐ നിലപാടെന്നും ബിനോയ് വിശ്വം പറഞ്ഞു. എം.ആര്‍ അജിത്കുമാറിനെ ക്രമസമാധാന ചുമതലയില്‍നിന്ന് നീക്കുമെന്ന് ബിനോയ് വിശ്വം കഴിഞ്ഞ ദിവസം സി.പി.ഐ സംസ്ഥാന എക്സിക്യൂട്ടിവിനെ അറിയിച്ചിരുന്നു. മുഖ്യമന്ത്രി ഇക്കാര്യത്തില്‍ ഉറപ്പ് നല്‍കിയിട്ടുണ്ടെന്നും അദ്ദേഹം വ്യക്തമാക്കിയിരുന്നു. വിശദമായി അന്വേഷിച്ചാണ് റിപ്പോര്‍ട്ട് നല്‍കുന്നതെന്നും കിട്ടിയാല്‍ സര്‍ക്കാര്‍ ഉചിതമായ നടപടിയെടുക്കുമെന്നും സി.പി.എം സംസ്ഥാന സെക്രട്ടറി എം.വി ഗോവിന്ദനും പറഞ്ഞു.

The DGP of Kerala, Sheikh Darvesh Sahib, will submit a report today regarding ADGP M.R. Ajithkumar's meeting with RSS leaders, dismissing claims of it being a private visit. Political pressure mounts for action.