മുംബൈ: ഡല്‍ഹിയിലെ അയ്യായിരം കോടിയുടെ മയക്കുമരുന്ന് വേട്ടയില്‍ കോണ്‍ഗ്രസിനെ പരിഹസിച്ച് പ്രധാനമന്ത്രി നരേന്ദ്രമോദി. രാജ്യത്തെ യുവാക്കളെ മയക്കുമരുന്ന് ഉപയോഗത്തിലേക്ക് തള്ളിവിടാനും ആ പണം തെരഞ്ഞെടുപ്പ് വിജയത്തിനായി ഉപയോഗിക്കാനുമാണ് കോണ്‍ഗ്രസ് ആഗ്രഹിക്കുന്നുവെന്ന് പ്രധാനമന്ത്രി പറഞ്ഞു.

5,620 കോടി രൂപ വിലമതിക്കുന്ന 560 കിലോഗ്രാം കൊക്കെയ്‌നും 40 കിലോഗ്രാം മറ്റ് മയക്കുമരുന്നുകളുമാണ് ദക്ഷിണ ഡല്‍ഹിയിലെ മഹിപാല്‍പൂരിലെ ഒരു ഗോഡൗണില്‍ നിന്ന് പിടിച്ചെടുത്തത്. കോണ്‍ഗ്രസ് നേതാവാണ് ഈ മയക്കുമരുന്ന് റാക്കറ്റിലെ പ്രധാന പ്രതി. യുവാക്കളെ മയക്കുമരുന്നിലേക്ക് തള്ളിവിട്ട് ആ പണം ഉപയോഗിച്ച് തെരഞ്ഞെടുപ്പില്‍ മത്സരവിജയം നേടാനാണ് കോണ്‍ഗ്രസ് ആഗ്രഹിക്കുന്നതെന്നും മഹാരാഷ്ട്രയിലെ പൊതുയോഗത്തില്‍ മോദി പറഞ്ഞു.

കേന്ദ്ര ആഭ്യന്തരമന്ത്രി അമിത് ഷായും മയക്കുമരുന്ന് വേട്ടയ്ക്ക് പിന്നാലെ കോണ്‍ഗ്രസിനെതിരെ രൂക്ഷമായി രംഗത്തെത്തിയിരുന്നു. ഇത്തരം കേസുകളില്‍ ശക്തമായ നടപടി സ്വീകരിക്കും, മോദി സര്‍ക്കാര്‍ യുവാക്കളെ നൂതനാശയങ്ങളുമായി മുന്നോട്ട് കൊണ്ടുപോകുമ്പോള്‍ രാഷ്ട്രീയ സ്വാധീനം ഉപയോഗിച്ച് മയക്കുമരുന്ന് കടത്താനാണ് കോണ്‍ഗ്രസ് ശ്രമിക്കുന്നതെന്ന് അമിത് ഷാ പറഞ്ഞു. എന്നാല്‍ നേരത്തെ കോണ്‍ഗ്രസുമായി സഹകരിച്ചിരുന്ന ഇയാള്‍ നിലവില്‍ പാര്‍ട്ടിയുടെ ഭാഗമല്ലെന്നാണ് കോണ്‍ഗ്രസ് വ്യക്തമാക്കുന്നത്.

Prime Minister Narendra Modi criticized the Congress party over drug abuse while highlighting his party's election success, showcasing his confidence in the government's accomplishments.