അബൂദബി: പരീക്ഷയുടെ മാർക്ക്കൂട്ടി നൽകാൻ വിദ്യാർഥികളി ൽനിന്ന് കൈക്കൂലി ആവിശ്യപ്പെട്ട ബ്രിട്ടീഷ് അധ്യാപകന് അബൂദബിയിൽ പിഴയും, തടവ് ശിക്ഷയും . മൂന്നുവർഷം തടവും 5000 ദിർഹം പിഴയുമാണ് അധ്യാപകന് അബൂദബി ഫെഡറൽ അപ്പീൽ കോടതി ശിക്ഷ വിധിച്ചിരിക്കുന്നത്.

തടവുകാലം പൂർത്തിയാക്കുന്ന മുറക്ക് പ്രതിയെ നാടുകടത്താനും കോടതി ഉത്തരവിട്ടുണ്ട്. യു.എ.ഇയിലെ വിദ്യാഭ്യാസ മേഖലക്ക് ഗുരുതര കോട്ടം വരുത്തുന്നതാണ് അധ്യാപകന്റെ നടപടിയെന്ന് കോടതി നിരീക്ഷിച്ചു. പരീക്ഷയുടെ മാർക്ക് കൂട്ടിനൽകുന്നതിനും ഇതിലൂടെ അവരുടെ ഗ്രേഡ് വർധിപ്പിക്കുന്നതിനുമായിരുന്നു അധ്യാപകൻ വിദ്യാർഥികളിൽനിന്ന് കൈക്കൂലി വാങ്ങിയിരുന്നത്. പബ്ലിക് പ്രോസിക്യൂഷൻ നടത്തിയ അന്വേഷണത്തിൽ അധ്യാപകനെതിരായ തെളിവുകൾ കണ്ടെത്തിയിരുന്നു. അതേസമയം അധ്യാപകന്റെ പേരോ മറ്റു വിവരങ്ങളോ അധികൃതർ ഇതുവരെ പുറത്തുവിട്ടിട്ടില്ല.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക