തിരുവനന്തപുരം: കല്‍പാത്തി രഥോത്സവത്തിന്റെ ആദ്യ ദിനമായ നവംബര്‍ 13ന് പ്രഖ്യാപിച്ച പാലക്കാട് ഉപതെരഞ്ഞെടുപ്പ് മാറ്റണം എന്നാവശ്യപ്പെട്ട് പ്രതിപക്ഷ നേതാവ് വിടി സതീശന്‍ തിരഞ്ഞെടുപ്പ് കമ്മീഷന് കത്തയച്ചു. വോട്ടെടുപ്പ് നവംബര്‍ 13ന് മുന്‍പുള്ള ഏതെങ്കിലും തീയതിയിലേക്ക് മാറ്റണമെന്നാണ് പ്രതിപക്ഷ നേതാവ് ആവശ്യപ്പെട്ടിരിക്കുന്നത്.

നവംബര്‍ 13 നാണ് പാലക്കാട്, ചേലക്കര, വയനാട് മണ്ഡലങ്ങളിലേക്കുള്ള ഉപതിരഞ്ഞെടുപ്പുകള്‍ പ്രഖ്യാപിച്ചിരിക്കുന്നത്. അതേ ദിവസമാണ് പ്രസിദ്ധമായ കല്‍പാത്തി രഥോത്സവത്തിന്റെ ആദ്യ ദിനം. വോട്ടെടുപ്പ് തീയ്യതിയില്‍ മാറ്റം വേണമെന്ന ആവശ്യവുമായി കോണ്‍ഗ്രസ് നേരത്തെ രംഗത്തെത്തിയിരുന്നു. പിന്നാലെ കല്‍പാത്തി രഥോത്സവ ദിവസത്തില്‍ തെരഞ്ഞെടുപ്പ് വേണ്ടെന്ന ആവശ്യവുമായി ബിജെപിയും രംഗത്തെത്തി.

തെരഞ്ഞെടുപ്പ് നവംബര്‍ 13,14,15 തിയ്യതികളില്‍ പാടില്ലെന്നാണ് കോണ്‍ഗ്രസിന്റെ നിലപാട്. ഇത് മുന്‍നിര്‍ത്തിയാണ് നവംബര്‍ 13 ന് മുമ്പുള്ള തിയ്യതിയില്‍ തെരഞ്ഞെടുപ്പ് വെക്കണമെന്ന് പ്രതിപക്ഷ നേതാവ് ആവശ്യപ്പെട്ടിരിക്കുന്നത്. ബിജെപി ജില്ലാ പ്രസിഡന്റ് കെ.എം. ഹരിദാസ് ഔദ്യോഗിക പ്രസ്താവനയില്‍ ആവശ്യപ്പെട്ടിരിക്കുന്നത് തെരഞ്ഞെടുപ്പ് മാറ്റിവെക്കണമെന്നും നവംബര്‍ 20 ന് നടത്തിയാല്‍ മതിയെന്നുമാണ്. ഇരു പാര്‍ട്ടികള്‍ക്കും വളരെ പ്രധാനപ്പെട്ട മണ്ഡലമാണ് പാലക്കാട്.

The opposition leader has requested the Election Commission to reschedule the Palakkad by-election due to the upcoming Kalpathi Ratholsavam festival, citing potential voter disruption. The leader has written to the commission, seeking a date change to ensure maximum voter participation.