തൃശൂര്‍ : കൊടകര കുഴല്‍പ്പണക്കേസില്‍ ബിജെപിക്കെതിരെ പുതിയ വെളിപ്പെടുത്തലുകള്‍. കുഴല്‍പ്പണം ചാക്കുകളില്‍ നിറച്ച് കൊണ്ടുവന്നതായി ബിജെപിയുടെ മുന്‍ ഓഫീസ് സെക്രട്ടറി സതീശന്‍ തിരൂര്‍ വെളിപ്പെടുത്തി. പണം കൊണ്ടുവന്ന ധര്‍മ്മരാജന് തൃശൂരില്‍ മുറി ഏര്‍പ്പെടുത്തിയിരുന്നു. ആറു ചാക്കില്‍ നിറയെ പണമുണ്ടായിരുന്നുവെന്നും ആദ്യം പണമാണെന്ന് അറിയില്ലായിരുന്നുവെന്നും സതീശന്‍ പറഞ്ഞു.

2021 ഏപ്രില്‍ 3-ന് കൊടകരയില്‍ കാര്‍ തട്ടിക്കൊണ്ടുപോയി 3.5 കോടി രൂപ കവര്‍ന്ന സംഭവത്തില്‍, കാര്‍ ഡ്രൈവര്‍ ഷംജീര്‍ കൊടകര പൊലീസില്‍ പരാതി നല്‍കിയിരുന്നു. കാറില്‍ 25 ലക്ഷം രൂപ ഉണ്ടായിരുന്നുവെന്നായിരുന്നു ആദ്യ പരാതി. എന്നാല്‍, പിന്നീട് പ്രത്യേക അന്വേഷണ സംഘം കണ്ടെത്തിയത് 3.5 കോടി രൂപ ബിജെപിയുടെ പണമായിരുന്നുവെന്നാണ്.

കര്‍ണാടകയില്‍ നിന്ന് ആലപ്പുഴ ജില്ലാ ട്രഷറര്‍ കെ.ജി. കര്‍ത്തയ്ക്ക് തിരഞ്ഞെടുപ്പ് ഫണ്ടായി കൊണ്ടുപോയ പണമാണിതെന്ന് ഇരിങ്ങാലക്കുട കോടതിയില്‍ സമര്‍പ്പിച്ച കുറ്റപത്രത്തില്‍ പറയുന്നു. 23 പേരെ പൊലീസ് അറസ്റ്റ് ചെയ്തു. ബിജെപി സംസ്ഥാന പ്രസിഡന്റ് കെ. സുരേന്ദ്രന്‍ ഉള്‍പ്പെടെ 19 നേതാക്കള്‍ സാക്ഷികളാണ്. കാര്‍ ഡ്രൈവര്‍ ഷംജീര്‍ ഒന്നാം സാക്ഷിയും പരാതിക്കാരന്‍ ധര്‍മ്മരാജന്‍ രണ്ടാം സാക്ഷിയുമാണ്.

New disclosures in the Kodakara hawala case reveal that cash transported in six sacks was meant for BJP election funds. Former BJP office secretary Satheesan Thiroor confirms Dharmarajan brought the money, with accommodations arranged in Thrissur. The 3.5 crore, initially reported as 25 lakh, was uncovered during a special investigation.