അജ്മാന്‍: ട്രാഫിക് പിഴകളില്‍ 50% ഇളവ് പ്രഖ്യാപിച്ച് അജ്മാന്‍. ഈ മാസം 4 മുതല്‍ ഡിസംബര്‍ 15 വരെയാണ് അജ്മാന്‍ പൊലിസ് ട്രാഫിക് പിഴകളില്‍ 50 ശതമാനം ഇളവ് പ്രഖ്യാപിച്ചിരിക്കുന്നത്. അജ്മാന്‍ പൊലിസ് ഒക്ടോബര്‍ 31 ന് മുന്‍പ് വരെ ചുമത്തിയ ട്രാഫിക് പിഴകള്‍ക്ക് ഇളവ് ലഭിക്കുമെന്ന് അധികൃതര്‍ സമൂഹമാധ്യമത്തിലൂടെ അറിയിച്ചു.

ഈ ഇളവുകള്‍ ഗുരുതര പിഴകള്‍ക്ക് ബാധകമല്ല. ഒക്ടോബര്‍ 1ന് ആരംഭിച്ച സ്മാര്‍ട്ട് മോണിറ്ററിങ് സിസ്റ്റത്തിന്റെ ഭാഗമായി അജ്മാനില്‍ ട്രാഫിക് നിയമലംഘകരെ പിടികൂടുന്നതിനായി ഇലക്ട്രോണിക് ഗേറ്റുകള്‍ സ്ഥാപിക്കുന്നതിനായി 26 സ്ഥലങ്ങള്‍ കണ്ടെത്തിയിരുന്നു. വാഹനമോടിക്കുമ്പോള്‍ മൊബൈല്‍ ഫോണ്‍ ഉപയോഗിക്കുക, സീറ്റ് ബെല്‍റ്റ് ധരിക്കാതിരിക്കുക, പോലുള്ള നിയമലംഘനങ്ങള്‍ കണ്ടെത്തുന്നതിന് ക്യാമറകള്‍ ഉപയോഗിച്ചുള്ള സ്മാര്‍ട്ട് മോണിറ്ററിങ് ഈ എഐ ഓപറേറ്റഡ് സിസ്റ്റം ഉപയോഗിക്കുന്നു.

സ്മാര്‍ട്ട് സിസ്റ്റം ലക്ഷ്യമിടുന്നത് റോഡപകടങ്ങള്‍ കുറയ്ക്കുന്നതിനും ഡ്രൈവര്‍മാര്‍ക്കും കാല്‍നടയാത്രക്കാര്‍ക്കും ട്രാഫിക് സുരക്ഷ വര്‍ധിപ്പിക്കുന്നതിനുമാണെന്ന് അജ്മാന്‍ പൊലിസ് കമാന്‍ഡര്‍ ഇന്‍ ചീഫ് ഷെയ്ഖ് മേജര്‍ ജനറല്‍ സുല്‍ത്താന്‍ ബിന്‍ അബ്ദുല്ല അല്‍ നുഐമി വ്യക്തമാക്കി. സ്മാര്‍ട്ട് സംവിധാനങ്ങള്‍ ഉപയോഗിച്ച് നിയമലംഘനങ്ങള്‍ പിടികൂടുന്നത് ഏറ്റവും ഉയര്‍ന്ന ട്രാഫിക് സുരക്ഷ നല്‍കുന്നതിനും കാലഹരണപ്പെട്ട ലൈസന്‍സ് ഉപയോഗിച്ച് വാഹനം ഓടിക്കുന്നതിന്റെ പ്രതികൂല ഫലങ്ങള്‍ ഒഴിവാക്കുന്നതിനും സഹായിക്കം. കൂടാതെ ട്രാഫിക് നിയമങ്ങളും നിയന്ത്രണങ്ങളും പാലിക്കാന്‍ പൊലിസ് എല്ലാവരോടും അഭ്യര്‍ഥിച്ചു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Ajman authorities have introduced a limited-time 50% discount on traffic fines, aiming to encourage settlement and reduce backlog.