സിവില്‍ സര്‍വീസ് ഉദ്യോഗാര്‍ഥികള്‍ക്ക് ഒരു വര്‍ഷത്തെ സൗജന്യ പരിശീലനത്തിന് ഫാറൂഖ് കോളജ് അവസരമൊരുക്കുന്നു. ഏപ്രില്‍ 15 വരെ അപേക്ഷ സ്വീകരിക്കും. ഐ.എ.എസ്, ഐ.പി.എസ്, ഐ.എഫ്.എസ് തുടങ്ങിയ ഉന്നത ഉദ്യോഗങ്ങളിലേക്ക് സെലക്ഷന്‍ നേടുന്നതിന് യു.പി.എസ്.സി നടത്തുന്ന സിവില്‍ സര്‍വീസ് പരീക്ഷയെ നേരിടാന്‍ ഉദ്യോഗാര്‍ഥികള്‍ക്ക് ഫാറൂഖ് കോളജ് പി.എം സിവില്‍ അക്കാദമി ഒരു വര്‍ഷത്തേക്കുള്ള സ്‌കോളര്‍ഷിപ്പാണ് നല്‍കുക. ബിരുദം പൂര്‍ത്തിയാക്കിയവര്‍ക്കും അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാം. 

ഏപ്രില്‍ 20, 21 തീയതികളില്‍ നടക്കുന്ന പ്രാഥമിക ഓണ്‍ലൈന്‍ പരീക്ഷയിലും തുടര്‍ന്നുള്ള പേഴ്‌സനാലിറ്റി ടെസ്റ്റിലും ഇന്റര്‍വ്യൂവിലും മികവ് തെളിയിക്കുന്നവരെയാണ് സ്‌കോളര്‍ഷിപ്പിന് പരിഗണിക്കുക. യോഗ്യത നേടുന്നവര്‍ക്ക് ഒരു വര്‍ഷത്തെ പരിശീലനം ഫാറൂഖ് കോളജ് പി.എം സിവില്‍ സര്‍വീസ് അക്കാദമിയില്‍ ലഭ്യമാകും.

വിദഗ്ദ സിവില്‍ സര്‍വീസ് അധാപകരാണ് ക്ലാസുകള്‍ക്ക് നേതൃത്വം നല്‍കുക. ക്ലാസുകള്‍ ജൂണ്‍ മൂന്നിന് ആരംഭിക്കും. സ്‌കോളര്‍ഷിപ്പ് പരീക്ഷക്കുള്ള അപേക്ഷ ഫീസ് 250 രൂപയാണ്. ഓണ്‍ലൈന്‍ വഴിയാണ് അപേക്ഷിക്കേണ്ടത്. അപേക്ഷ സ്വീകരിക്കുന്ന അവസാന തീയതി ഏപ്രില്‍ 15. വെബ്‌സൈറ്റ് http://www.farookcollege.online/pminstitute/. 

കൂടുതല്‍ വിവരങ്ങള്‍ക്ക്: www.farookcollege.ac.in സന്ദര്‍ശിക്കുക. ഫോണ്‍: 9207755744, 8547501775.

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക