വിയ്യൂര്‍: ജയില്‍ ചപ്പാത്തിക്ക് വിലകൂടുന്നു. ചപ്പാത്തിയുടെ വില രണ്ട് രൂപയില്‍നിന്ന് മൂന്ന് ആക്കിയാണ് ഉയര്‍ത്തുന്നത്. 2011ലുണ്ടായിരുന്ന വിലയാണ് 13 വര്‍ഷത്തിനു ശേഷം കൂട്ടുന്നത്. 

ചപ്പാത്തിയുണ്ടാക്കുന്നതിന് ആവശ്യമായ ഗോതമ്പുപൊടിയുടെയും വെളിച്ചെണ്ണയുടെയും പാചകവാതകത്തിന്റെയുമെല്ലാം വിലയിലും വേതനത്തിലും ഉണ്ടായ വര്‍ധനവാണ് ചപ്പാത്തിയുടെ വില ഒരു രൂപ വര്‍ധിപ്പിക്കാന്‍ കാരണമെന്ന് ജയില്‍ അധികൃതര്‍ പറഞ്ഞു.

തിരുവനന്തപുരം, വിയ്യൂര്‍, കണ്ണൂര്‍ സെന്‍ട്രല്‍ പ്രിസണ്‍ ആന്‍ഡ് കറക്ഷണല്‍ ഹോമുകള്‍, ചീമേനി തുറന്ന ജയില്‍ ആന്‍ഡ് കറക്ഷണല്‍ ഹോം, കൊല്ലം, എറണാകുളം, കോഴിക്കോട് എന്നിവിടങ്ങളിലെ ജയിലുകളിലാണ് ചപ്പാത്തിയുണ്ടാക്കി വില്‍പ്പന നടത്തുന്നത്. 10 ചപ്പാത്തികളുടെ ഒരു പാക്കറ്റിന് 30 രൂപയാണ് നാളെ മുതല്‍ ഈടാക്കുക.