പാലക്കാട്: നാല് വിദ്യാര്‍ത്ഥിനികളുടെ മരണത്തിനിടയാക്കിയ കരിമ്പ പനയംപാടത്ത് ഇന്ന് സംയുക്ത സുരക്ഷാ പരിശോധന. പൊലിസ്, മോട്ടോര്‍ വാഹന വകുപ്പ് ഉദ്യോഗസ്ഥര്‍, നാഷണല്‍ ഹൈവേ അതോറിറ്റി, പൊതുമരാമത്ത് വകുപ്പ് എന്നിവയുടെ സംയുക്ത നേതൃത്വത്തിലായിരിക്കും പരിശോധന. ഇന്നലെ വൈദ്യുതി വകുപ്പു മന്ത്രി കെ. കൃഷ്ണന്‍കുട്ടിയുടെ അധ്യക്ഷതയില്‍ ചേര്‍ന്ന യോഗ തീരുമാനത്തിന്റെ അടിസ്ഥാനത്തിലാണ് നടപടി. ഗതാഗത മന്ത്രി കെ.ബി ഗണേഷ് കുമാര്‍ ഇന്നു രാവിലെ 11.30 ന് അപകട സ്ഥലം സന്ദര്‍ശിക്കും.

റോഡ് നിര്‍മാണത്തിലെ അപാകത ഉള്‍പ്പെടെയുള്ള കാര്യങ്ങളില്‍ ഗതാഗത മന്ത്രി നേരത്തെ തന്നെ വിമര്‍ശനമുന്നയിച്ചിരുന്നു. ഇതിനുപിന്നാലെയാണ് സന്ദര്‍ശനം.