പത്തനംതിട്ട: തൂങ്ങി മരിക്കാൻ ശ്രമിച്ചയാളുമായി ആശുപത്രിയിലേക്ക് പോയ കാറിൽ നിന്നു പുക ഉയർന്നു. തീ പിടിത്തമെന്നു സംശയിച്ച് മറ്റൊരു കാറിൽ ആശുപത്രിയിലേക്ക് എത്തിച്ചെങ്കിലും യുവാവിനെ രക്ഷിക്കാനായില്ല. പത്തനംതിട്ട ഇലവുംതിട്ട നാമക്കുഴി സ്വദേശി ബിജു (45) ആണ് മരിച്ചത്.

അയൽവാസിയാണ് വീട്ടിൽ വച്ച് ജീവനൊടുക്കാൻ ശ്രമിച്ച ബിജുവിനെ കാറിൽ കോഴഞ്ചേരി താലൂക്ക് ആശുപത്രിയിലേക്കു കൊണ്ടു പോയത്. ആശുപത്രിയ്ക്ക് മീറ്ററുകൾ മാത്രം ബാക്കിയുള്ളപ്പോഴാണ് കാറിന്റെ ബോണറ്റിൽ നിന്നും പുക ഉയർന്നത്.

കാറിനു കേടുപാടുകളില്ല. ഷോർട്ട് സർക്യൂട്ട് ആകാം പുക ഉയരാൻ കാരണമെന്ന് സംശയിക്കുന്നതായി പൊലിസ് വ്യക്തമാക്കി. കുടുംബ വഴക്കിനെ തുടർന്നായിരുന്നു യുവാവ് ആത്മഹത്യയ്ക്കു ശ്രമിച്ചത്.

A tragic incident occurred when a youth attempted to take his own life, and on the way to the hospital, the car carrying him caught fire. Despite efforts to rush him to the hospital in another vehicle, the youth succumbed to his injuries.