പുതുവത്സരവേളയിൽ നഗരത്തിലെ എല്ലാ റോഡുകളിലും ട്രക്കുകൾ ഉൾപ്പടെയുള്ള വലിയ വാഹനങ്ങൾ പ്രവേശിക്കുന്നതിന് വിലക്കേർപ്പെടുത്തിയിട്ടുണ്ടെന്ന് അബൂദബി മൊബിലിറ്റി അറിയിച്ചു. 2024 ഡിസംബർ 30-നാണ് അബൂദബി മൊബിലിറ്റി ഇത് സംബന്ധിച്ച അറിയിപ്പ് നൽകിയത്.

ഈ അറിയിപ്പ് പ്രകാരം ട്രക്കുകൾ, തൊഴിലാളികളെ കൊണ്ട് പോകുന്ന ബസുകൾ, മറ്റു വലിയ വാഹനങ്ങൾ തുടങ്ങിയവക്ക് അബൂദബി ഐലൻഡിലെ എല്ലാ റോഡുകളിലും, സ്ട്രീറ്റുകളിലും പ്രവേശിക്കുന്നതിന് വിലക്കേർപ്പെടുത്തി. 2024 ഡിസംബർ 31ന് ഉച്ചയ്ക്ക് 12 മണിമുതൽ 2024 ജനുവരി 1 രാവിലെ 6 മണിവരെ ഈ വിലക്ക് ബാധകമാണ്.

പുതുവത്സരാഘോഷങ്ങളുമായി ബന്ധപ്പെട്ട തയ്യാറെടുപ്പുകളുടെ പശ്ചാത്തലത്തിലാണ് വിലക്ക്. എന്നാൽ ശുചീകരണ പ്രവർത്തനങ്ങളിലേർപ്പെട്ടിട്ടുള്ള കമ്പനികളുടെ വാഹനങ്ങൾക്ക് വിലക്ക് ബാധകമല്ല.

To ensure smooth traffic flow and public safety during New Year's Eve celebrations, Abu Dhabi authorities have banned large vehicles, including trucks, from entering the city.