ഷാർജ: മികച്ച സ്‌റ്റാർട്ടപ് ആശയങ്ങൾ മനസ്സിലുള്ളരാണോ? എങ്കിൽ ഷാർജയിലേക്കു സ്വാഗതം. തിരഞ്ഞെടുക്കപ്പെടുന്ന മികച്ച സ്റ്റാർട്ടപ് ആശയങ്ങൾക്ക് രണ്ട് ലക്ഷം ദിർഹത്തിൻ്റെ സമ്മാനങ്ങൾക്കൊപ്പം 5 ലക്ഷം ദിർഹം വരെ നിക്ഷേപ സാധ്യതയും.

ഷാർജ എൻട്രപ്രനർഷിപ് ഉത്സവത്തിൽ, വിദ്യാഭ്യാസ മേഖല, സുസ്‌ഥിരത, മികച്ച ആശയ ആവിഷ്‌കാരം, സാങ്കേതിക വിദ്യ വ്യവസായം എന്നീ മേഖലകളിലാണ് മത്സരം. ലോകത്ത് എവിടെയുമുള്ള സ്‌റ്റാർട്ടപ്പുകൾക്ക് മത്സരത്തിൽ പങ്കെടുക്കാം. വിദ്യാഭ്യാസ മേഖല, സുസ്‌ഥിരത, മികച്ച ആശയ ആവിഷ്‌കാരം, സാങ്കേതിക വിദ്യ വ്യവസായം തുടങ്ങിയ മേഖലകളിലെ വെല്ലുവിളികളെ നേരിടാനും പ്രശ്നങ്ങൾക്കു പരിഹാരം കാണാനും സാധിക്കുമെങ്കിൽ നിങ്ങൾക്ക് വിജയിക്കാം.

താൽപര്യമുള്ളവർ കമ്പനിയുടെ വിവരങ്ങൾ, ആശയങ്ങളെക്കുറിച്ചുള്ള ഹ്രസ്വ വിഡിയോ എന്നിവ സഹിതം ജനുവരി 26ന് മുൻപ് അപേക്ഷിക്കണം. അപേക്ഷകളയക്കേണ്ട വിലാസം https://sharjahef.com/pitch-track/. ഈ മത്സരം നിലവിലുള്ള സംവിധാനങ്ങളെ വെല്ലുവിളിക്കുകയും പുത്തൻ ആശയങ്ങളിലൂടെ പരമ്പരാഗത മേഖലയെ പുനർനിർവചിക്കുകയും ചെയ്യുന്നവർക്കുള്ളതാണെന്ന് ഷെരാ സിഇഒ സാറാ അബ്ദുൽ അസീസ് അൽ നുഐമി വ്യക്തമാക്കി.

The Sharjah Research Technology and Innovation Park has launched a startup competition with a prize money of AED 2 million, inviting innovative startup ideas from around the world to participate.