ദോഹ: സീലൈനിൽ ആഘോഷങ്ങൾക്ക് തുടക്കമിട്ട് വിസിറ്റ് ഖത്തർ. 2025 ജനുവരി 27 വരെ നീളുന്ന വൈവിധ്യമാർന്ന പരിപാടികളാണ് ആസൂത്രണം ചെയ്‌തിരിക്കുന്നത്. ഖത്തർ കായിക മന്ത്രാലയം, ഖത്തർ സ്പോർട്‌സ് ഫോർ ആൾ, പരിസ്ഥിതി കാലാവസ്ഥാ വ്യതിയാന മന്ത്രാലയം തുടങ്ങിയ വകുപ്പുകൾ സംയുക്തമായാണ് സീലൈനിൽ ഖത്തർ ടൂറിസത്തിന്റെ ആഘോഷ പരിപാടികൾ നടത്തുന്നത്.

ഖത്തറിൽ ശൈത്യകാലം ആഘോഷിക്കാനെത്തുന്നവരെ സീലൈനിലേക്ക് ക്ഷണിക്കുകയാണ് ഖത്തർ ടൂറിസം. ഡെസേർട്ട് ഡ്രൈവ്, മോൺസ്റ്റർ ബസ് സഫാരി, ബോട്ട് യാത്രകൾ എന്നിവയാണ് ആഘോഷത്തിൻ്റെ പ്രധാന ആകർഷണങ്ങൾ. പെയ്‌ഡ് ആക്ടിവിറ്റീസിനെ കൂടാതെ ഫുട്ബോൾ, വോളിബോൾ, മിനി സോക്കർ തുടങ്ങി നിരവധി സൗജന്യ പരിപാടികളിലും പങ്കെടുക്കാം. ജനുവരി 10 വരെ മ്യൂസിക് ഷോകളും കരിമരുന്ന് പ്രദർശനവും നടക്കും. രാത്രി പത്തരയ്ക്കാണ് കരിമരുന്ന് പ്രദർശനം. ജനുവരി 17 മുതൽ 24 വരെ രാത്രി 9 മണിവരെ കരിമരുന്ന് പ്രദർശനം നടക്കും.

Visit Qatar has launched a series of festivities in Sealine, offering a diverse range of activities and events until January 27.