പ്രഥമ ഷാർജ ലിറ്ററേച്ചർ ഫെസ്റ്റിവൽ 2025 ജനുവരി 17-ന് ആരംഭിക്കുമെന്ന് എമിറേറ്റ്സ് ന്യൂസ് ഏജൻസി റിപ്പോർട്ട് ചെയ്തു. ജനുവരി 17-ന് ആരംഭിക്കുന്ന ഷാർജ ലിറ്ററേച്ചർ ഫെസ്റ്റിവൽ ജനുവരി 21 വരെ നീണ്ട് നിൽക്കും. ‘എമിറാത്തി ടെയിൽസ് ഇൻസ്പയർ ദി ഫ്യുച്ചർ’ എന്ന ആശയത്തിലൂന്നിയാണ് ഷാർജ ലിറ്ററേച്ചർ ഫെസ്റ്റിവലിന്റെ ആദ്യ പതിപ്പ് സംഘടിപ്പിക്കുന്നത്.

എമിറേറ്റ്സ് പബ്ലിഷേഴ്സ് അസോസിയേഷൻ, ഷാർജാ ബുക്ക് അതോറിറ്റി തുടങ്ങിയവർ സംയുക്തമായാണ് മേള സംഘടിപ്പിക്കുന്നത്. മേള നടത്തുന്നത് ഷാർജ യൂണിവേഴ്സിറ്റി സിറ്റി ഹാളിന് എതിർവശത്തുള്ള തുറസായ പ്രദേശത്താണ്. 

ദിവസവും വൈകീട്ട് നാല് മണിമുതൽ രാത്രി പതിനൊന്ന് മണിവരെയാണ് ഷാർജ ലിറ്ററേച്ചർ ഫെസ്റ്റിവലിലേക്ക് പ്രവേശനം അനുവദിക്കുക. യുഎഇയുടെ ഉജ്ജ്വലമായ സാഹിത്യ പൈതൃകം എടുത്ത് കാട്ടുന്നതാണ് ഈ മേള.

The first-ever Sharjah Literature Festival is set to kick off on January 17, celebrating literature and promoting a love for reading among book enthusiasts.