യുഎഇ: ജനുവരി ആറിന് മുമ്പ് നൽകിയ എല്ലാ ഡ്രോൺ രജിസ്ട്രേഷൻ സർട്ടിഫിക്കറ്റുകളും അസാധുവാകുമെന്ന് ജനറൽ സിവിൽ ഏവിയേഷൻ അതോറിറ്റി (GCAA) അറിയിച്ചു.

യുഎഇയിലെ ഡ്രോൺ ഉടമകൾ ഇനി ഡ്രോണുകൾ പ്രവർത്തിക്കാൻ ആപ്പ് അല്ലെങ്കിൽ വെബ്സൈറ്റ് വഴി പുതിയ അപേക്ഷ സമർപ്പിക്കണമെന്നും അതോറിറ്റി അറിയിച്ചു. ജനുവരി 7 ന് ആഭ്യന്തര മന്ത്രാലയം വ്യക്തിഗത ഡ്രോൺ ഉപയോഗത്തിനുള്ള നിരോധനം ഭാഗികമായി പിൻവലിക്കുന്നുവെന്ന് പ്രഖ്യാപിച്ചതിന് പിന്നാലെയാണ് ജനുവരി 6 ന് മുമ്പ് നൽകിയ പെർമിറ്റുകൾ അസാധുവാണെന്ന് ഇപ്പോൾ അതോറിറ്റി അറിയിച്ചിരിക്കുന്നത്. ഡ്രോണുകളിൽ റിമോട്ട് ഐഡന്റിഫിക്കേഷൻ സംവിധാനം ഉണ്ടായിരിക്കണം കൂടാതെ, പ്രവർത്തന സമയത്ത് ആപ്പ് ഉപയോഗിക്കണമെന്നും ഏവിയേഷൻ അതോറിറ്റി അറിയിച്ചു.

ഡ്രോൺ പ്രവർത്തിപ്പിക്കാൻ ആഗ്രഹിക്കുന്നവർ GCAA അംഗീകൃത കേന്ദ്രത്തിൽ നിന്ന് പരിശീലന സർട്ടിഫിക്കറ്റ് നേടിയിരിക്കണം. കൂടാതെ, അവർ വ്യവസായ, നൂതന സാങ്കേതിക മന്ത്രാലയത്തിൽ നിന്ന് ഒരു ഉൽപ്പന്ന സ്റ്റാറ്റസ് സ്റ്റേറ്റ്‌മെൻ്റിന് അഭ്യർത്ഥിക്കുകയും യുഎഇ ഡ്രോൺസ് ആപ്പിൽ പറഞ്ഞിരിക്കുന്ന എല്ലാ നിബന്ധനകളും അനുസരിക്കുകയും വേണം.

ഡ്രോൺ പ്രവർത്തിപ്പിക്കുന്നതിനുള്ള ഔദ്യോഗിക രജിസ്ട്രേഷനായി  drones.gov.ae വെബ്‌സൈറ്റിലേക്ക് പോകാവുന്നതാണ്. യുഎഇ പാസ് ഉപയോഗിച്ച് ലോഗിൻ ചെയ്യാവുന്നതാണ്, അല്ലെങ്കിൽ വെബ്സൈറ്റിൽ സൈൻ അപ്പ് ചെയ്യാം.

ദുബൈയിൽ നിലവിൽ വ്യക്തിഗത ഡ്രോൺ ഉപയോഗത്തിനുള്ള നിരോധനം തുടരുകയാണ്. നഗരത്തിൽ വിനോദ ആവശ്യങ്ങൾക്കായുള്ള ഡ്രോണുകളുടെ ഉപയോഗം ഇനിയൊരു അറിയിപ്പ് ഉണ്ടാകുന്നത് വരെ താൽക്കാലികമായി നിർത്തിവച്ചിരിക്കുകയാണെന്ന് ദുബൈ സിവിൽ ഏവിയേഷൻ അതോറിറ്റി അറിയിച്ചിട്ടുണ്ട്.

The General Civil Aviation Authority has announced that drone permits issued in the UAE before January 6 are now invalid, requiring operators to obtain new permits to ensure compliance with updated regulations.