കയ്പമംഗലം: ലോഗോ മാതൃകയില്‍ വിദ്യാര്‍ഥികളും അധ്യാപകരും അണിനിരന്ന് ഒരു അധ്യാപക ദിനാചരണം.
പെരിഞ്ഞനം ആര്‍.എം.വി.എച്ച്.എസ്.സ്‌കൂളിലെ എല്‍.പി സെക്ഷന്‍ വിഭാഗത്തിലെ അധ്യാപരും വിദ്യാര്‍ഥികളുമാണ് അധ്യാപക ദിനത്തില്‍ ലോഗോ മാതൃക തീര്‍ത്ത് ശ്രദ്ധേയരായത്. തുടര്‍ന്ന് നടന്ന ചടങ്ങില്‍ പ്രധാനധ്യാപിക ഇന്ദുകല ടീച്ചര്‍ അധ്യാപക ദിന സന്ദേശം നല്‍കി. പി.ടി.എ പ്രസിഡന്റ് കെ.കെ അബ്ദുന്നാസര്‍, മാനേജര്‍ ഫാത്തിമ മോഹന്‍, അധ്യാപകരായ കെ.കെ രാമനാഥന്‍ മാസ്റ്റര്‍, സുബ്രഹ്മണ്യന്‍ മാസ്റ്റര്‍, മിനി, ഷീബ, രശ്മി, സുനിത എന്നിവര്‍ സംസാരിച്ചു.