ന്യൂഡല്‍ഹി: കോണ്‍ഗ്രസിന്റെ പുതിയ ദേശീയ ആസ്ഥാനമായ ഇന്ദിര ഗാന്ധി ഭവന്റെ ഉദ്ഘാടനം ഇന്ന് മുന്‍ അധ്യക്ഷ സോണിയ ഗാന്ധി നിര്‍വ്വഹിക്കും. രാവിലെ 10 മണിക്ക് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ പതാക ഉയര്‍ത്തുന്നതോടെ ഉദ്ഘാടന ചടങ്ങുകള്‍ ആരംഭിക്കും. 9 എ, കോട്ട്‌ല റോഡ്, ഡൽഹി എന്നാണ് പുതിയ ആസ്ഥാന മന്ദിരത്തിന്റെ വിലാസം.

പ്രവര്‍ത്തക സമിതി അംഗങ്ങളും പ്രധാന നേതാക്കളും ഉൾപ്പെടെ 200 ഓളം പേര്‍ പരിപാടിയില്‍ പങ്കെടുക്കും. കേരളത്തില്‍ നിന്ന് കെപിസിസി അധ്യക്ഷന്‍ കെ സുധാകരന്‍ അടക്കമുള്ള പ്രധാന നേതാക്കള്‍ ഡൽഹിയില്‍ എത്തി. 24, അക്ബര്‍ റോഡാണ് നിലവിലെ കോണ്‍ഗ്രസിന്റെ ദേശീയ ആസ്ഥാനം.

Congress President Sonia Gandhi will officially inaugurate the party's new headquarters, marking a significant milestone for the party.